02/01/2006, 08:39 AM
|
| زعيــم مميــز | | تاريخ التسجيل: 15/10/2005 المكان: الرياض
مشاركات: 2,565
| |
والله ما أذكر من متى بديت أشجع الهلال ،،، لكن ما لقيت في حياتي سبب يخليني أشجع غيره ،، لأني مرة من المرات كنت جالس مع خالي وتكلمنا في الموضوع هذا وقال لي : التشجيع المفروض ما يكون من غير سبب ،، يعني تشجع فريق ما يستاهل التشجيع بس يرفع ضغطك ، ولا فريق داج ولا فيه منافسة ،،، والكلام هذا قبل حوالي 8سنوات كان نصراوي وشجع الأهلي لأنه يقول الأهلي هو أفضل فريق ممتع وش أجبرني على النصر (( طبعا مستحيل يشجع هلال لأنه كان نصراوي ما لقى غير الأهلي يك الأيام )) ، وأنا من ناحيتي ليش أغير الهلال وهو الزعيم بدون منافس ،،،،
المهم انه ورط نفسه يوم شجع الأهلي توقع ان الأهلي بيتحسن أداءه عشان ينافس الهلال على الزعامة بحكم أن الأهلي يسمون أول (قلعة الكؤوس) قبل يسيطر الهلال على الكؤوس والدوريات وكل شي ،،، لكن الأهلي خيب ظنه ،،،، آخر شي مل من الأهلي وقال : أنا أصلا أشجع ريال مدريد ، والدوري السعودي موب زين <---- عذر أغلب النصراوية اللي صارو بدون نادي ،،،، وكل ما جت مباراة محلية يسوي نفسه خواجة ويقول : والله اللعب هنا كله تخلف في تخلف ،، بس فاتكم يوم جت مباراة الهلال وفالنسيا كان يقول : والله بيخفـّـسون بابكم تخفيس ،،، وما أدري ما كان عارف قوة الهلال ،،، واستغرب يوم صفــّــفقناهم تصفيق وجبنا هدفين وضيعنا كم هدف .... آخر شي قعد يصرف ويقول : أصلا فالنسيا مغصوبين على المباراة عشان الفلوس وخايفين من الإصابات ((مع انهم كسرونا)) وأنا ذكرت القصة هذي عشان أعلمكم أن الناس المتعصبين ما نبي منهم انهم يقتنعون بأن الهلال هو زعيم نصف الأرض ،،،، لكن اللي يهمنا أن الهلال يحافظ على زعامته .....
مشكورة اختي على الموضووع ...
سلام   |
