الموضوع: ياعمري ياأنا ..!
مشاهدة مشاركة بصفحة مستقلة
  #11  
قديم 25/12/2005, 06:53 PM
ملك العشاق ملك العشاق غير متواجد حالياً
زعيــم فعــال
تاريخ التسجيل: 28/06/2001
المكان: london
مشاركات: 408
هلا خالتي فيوو

وش رايك اخرعك ؟؟

انا قدر الله علي وحجيت مع حاتم السنه اللي راحت
وهي كانت الاولى لي واعتقد انها راح تكون الاخيره صراحه


اذا تذكرين العام جانا السيل
والسنه هذي ما استبعد يكون فيه
لكن السنه اللي فاتت انا من كثر ما نقعت بالسيل وتجمدت وشالوني الرجاجيل للبوفيه كسرت خاااطر واحد شايب وجلس يسولف معاي يقول بلهجته الحجازيه : ياولدي اشبك كده تنتفض !! والله حقون النيدو انتوا ما تنفعوا بحاجه في هادي الدنيا بس بيني وبينك يا ولدي والله مكه ماجاتها امطار زي كده من 50 سنه











فيو لا يكون هونتي عن الحج



صبرا ال يعقوب
خليني اقولك ملاحظاتي في الحج



صراحه صراحه صراحه
يا ليت حريمنا مثل المصريات والافريقيات

ما شاء الله تبارك عليهم
والله الوحده فيهم تحرث المكان حرث من مخيمات منى في (د) او (ج) الى الجمرات ورجوعا الى المخيم <<<<<< من زود ليقاتهم يذكروني بالتيماوي ودي لو يلعبون معنا بالهلال

ويدافشون الرجال ما يرجعون والا يقولون تعبنا والا نبي ماء وبنريح شوي


ام بناتنا

هذي نبذه عن اللي شفته من السعوديات اللي ساكنين في (أ)

1- يبااااااااه متى نوقف والله تعبنا من المشي
2- محيميييييد خلنا نشتري لحصيص من البيك والله مذيتني من يوم طلعنا <<<<<<< نصابه تبي لها وتقول لحصيص
3- ياربيييه بقى كل ذا نمشيه !!! جيبوا لنا سياره والا دباب يشيلنا
4- ياربي يا زحمة العالم مالقوا يطلعون الا يوم طلعنا !!!
5- المخيم زهق خلونا نطلع نتمشى شوي


طبعا ما خفي اعظم لكن من باب الستر قلت انطم ياولد لا ترفسك فيو لعلمي بتعصبك لمعشر البنات ;)


انتي عاااد تخيلي خشتك وانتي نايمه بمزدلفه على الرصيف بعد مشي 6 كيلو من عرفه والبرد صافقك صفق



همسه للشباب
نصيحه اذا جيت تخطب اول شي تسأل عنه قبل الجمال وكل شي اسأل هي قد حجت؟؟
اضافة رد مع اقتباس