يحكى ان نادينا الزعيم احتاج ان يجلب اجنبي ثالث لتدعيم صفوفه

واتفق الجميع على ان كل شي في هلالنا اكتمل اللهم خانة الوسط الايمن

وقلنا لازم نجيب اجنبي من الطراز الرفيع يسد هالخانة

مع انه عندنا فيه المبارك ( لاعب دولي ) , احمد الحربي ( دولي سابق) , الموري ( لاعب صاعد بقوة )

بس هضمناها وقلنا معليش نبي لاعب يكون متمرس واكثر خبرة ويقدم حلول جديدة للهلال


وبعد اخبار متناقضة بنجيب اجنبي ما بنجيب

جاءوا لنا بجيلسون

وانتظرنا بطاقته يوم ورا يوم وقلنا عسى بس يقدم ما يستحق هذا الانتظار

والان بعد ست او سبع مباريات يتسائل الجميع ما هو مركز جيلسون

اقنعتمونا انكم تحتاجون للاعب في الوسط الايمن وهضمناها

بس لاعبكم ما هو وسط ايمن !!!!!!!!!!!!!! ولو كان وسط ايمن اراهن ان الموري صاحب 17 سنة افضل منه بمليون مرة فما بالك بالمبارك اللاعب الدولي او احمد الحربي

وان تم جلبه على انه لاعب وسط متقدم فشتان ما بينه وبين التمياط او الجابر عندما يلعب وسط متقدم

وان اقنعتمونا انه مهاجم فما الذي يمتلكه هذا الجهبذ ولا يمتلكه الصويلح والعنبر والجمعان ؟؟؟؟؟؟؟؟؟

والله تمنيت من مباراة اسبانيا لو لعب الهلال باجنبيين ولا خلينا انفسنا تحت رحمة باكيتا

سابقا كان هناك كماتشو عندما يكون في اسوء مستوياته وقلنا لاعب واحد وباكيتا مصر عليه وقلنا قناعات مدربين وهضمناها

الحين صار في الملعب اثنين !!!!!!!!!!!!!!

وان كان كماتشو نقدر نطرح العذر لباكيتا انه قادر على حسم المباراة من ضربة زاوية او خطا ثابت

فهذا الجيلسون لا يمتلك شيء الا اسمه ديسلفا ( والكل يعرف ما اعنيه )

هذا الجيلسون اليوم ارتكب اخطاء اكثر مما ارتكب فهد المفرج

الهلال يا سادة يتفوق على اغلب الاندية ولا يوجد مقارنة بين نجوم الهلال وبين بقية الاندية اللهم الاتحاد نقدر نقول فيه تنافس عناصريا

لكن باكيتا يصر على حرمان الهلال من اوراق تفوقه اما بمجاملته الممجوجة لبني جلدته او بابعاده مصادر القوة في الهلال

وبصراحة بديت اقول لعل وعسى يكون تدريب باكيتا للمنتخب السعودي فيه خير للهلال

صحيح الهلال مبدع نتائجيا مع باكيتا وحقق بطولات عديدة ويظل مدرب يحقق الانتصارات باسهل الطرق

بس يظل لكرة القدم هدف اخر غير الفوز

هو متعة كرة القدم التي فقدناها مع باكيتا

لا مانع ان نخسر بطولة من اصل ثلاث مقابل ان يقدم الهلال مستوى نظل نتغنى به ويجبر الجماهير على الحضور للملعب

بالله عليكم هل الشباب مخيف الى درجة ان يلعب باكيتا بثلاثة محاور ؟؟؟؟؟؟؟؟؟

والمشكلة ان باكيتا يتخوف طيلة المباراة ولما باقي عشر دقايق يقوم بتغييرات متهورة !!!!!!!!!!!



المشكلة الكبرى ان باكيتا ليس من المدربين الذين يعتمدون على النجوم اعتماد كلي

شاهدناه يخرج سامي ويخرج نواف ويخرج الشلهوب ويخرج الغنام والبرقان والغامدي

لكن جميع هاللاعبين كوم وكماتشو وجيلسون كوم ثاني

باكيتا بالله عليك الم تشاهد مستوى الهلال بعد خروج جيلسون ودخول الصويلح في مباراة فالنسيا