حياك اخوي نمر..


بما انك ولد جامعه وحده ابي افزع معك..


بداية اخوي نمر .. هل انت مع الهندسه او الاداره؟؟


اذا انت تميل للاداره .. بحكم احتكاكي مع طلاب الاداره بعطيك التخصصين المطلوبه..

Mis.. هذا من اكثر التخصصات المطلوبه حاليا من ناحية الوظايف بل مطلوبه جدا.. التخصص بصراحه دراسته ليست ممتعه ولكن اذا كانت خلفيتك باللغه الانجليزيه ممتاحه فهذا ممتاز لان كل اللي تحتاج التركيز في المحاضره وبعدين قراءة المنهج او السلايدات فقط لا اكثر..


Accounting.. هذا التخصص رقم 1 في الاحتياج.. بالعربي يعني تتخرج اليوم بكره وانت متوظف.. لكن التخصص جدا ممل ممل ويعد الاصعب في كليات الاداره بالجامعه عندنا.. ايضا في نقص بدكاترة هذا التخصص..



واذا تبي معلومات عن اي تخصص افضل شي تسويه راجع الشيرمان او سكرتارية القسم وبيعطونك المعلومات من الى..



بالنسبة للراتب فالعب بعيد وانا اخوك .. الراتب مايعتمد غالبا على مسمى الوظيفة.. يعتمد على الجهه اللي بتتوظف فيها وهذا يعتمد على معدلك وشهاداتك وخبرتك.. يعني اذا ارتفع معدلك وزادت خبرتك زاد راتبك..



نصيحة اخيره.. قبل لا تتخصص راجع الادفايسر المسؤل عنك لانه اكثر شخص بيفيدك .. واذا ما تعرف كيف توصوله عطني خبر وانا اقولك شلون توصله.. لان وظيفة الادفايسر هي يجاوبك على جميع استفساراتك وينصحك ويساعدك .. وكل ما تواجه مشكله اول شي تسويه راجع الادفايسر..


تحياتي..