من اوله اجل كماتشو مبدع اليوم !!والله مدري اي مباراة انت شايفها ..والله روح الهلال مازالت موجودة في لعيبه كلهم ..
والله عجيبه كماتشو روح الهلال !!

جلسون ان شاء الله ان بدايه خير ونصبر عليه ..

اما نواف ..مدري انت جاد ولاتمزح ..اول شيء في هذي المباراة مالعب الا10 دقايق ..وبعدين وينك عنه في المباريات اللي قبل اخرتها هدف غانا ..

اما ياسر القحطاني ..
فاستلم الرد ..لانه شكلك انت اللي تطامر على الحقائق ..

خذ هذا لكل وللي يشككون بنجوميه القحطاني

ياجماعة كل شيء يبيله صبر ..وياسر على الضغوط اللي تجيه وعلى الرغم من ان هذي المباراة بعد اصابته في المفصل
يعتبر مقدم مستوى جيد جدا"



وبعدين لعب 5 مباريات ،، ظنك تكفي لاعب انه يظهر كل مهاراته او انه يتأقلم مع الفريق ..
ومع ذلك مازل ياسر متصدر هدافي الهلال صحيح أكثرها ضربات جزاء بس كانت محسوبه لصالحه
وهذا اكبر دليل انه قاعد يسوي شي في الملعب ..

ظنك لو كان لاعب اجنبي بنحكم عليه من 5 مباريات بس والله لاينتهي الموسم وانتو تقولون اصبروا عليه شوي !!

ياسر بالعكس لعبه جيد جدا" اليوم وخصوصا" بعد اصابته ..بس الحظ ماساندة اليوم .
.مثل اغلب المهاجمين في العالم ..واللاعب المهاجم غير لاعبيبه المراكز الثانيه مايتأقلم بسرعه ..
ودائما" يتحمل اكبر مسؤوليه من الجماهير وخصوصا" اذا تأخر الفريق بهدف مثل ما حصل اليوم ..



ياسر موجود وابداعه بيتواصل بس انتم ارفقوا عليه شوي ياناس عليه ضغط كبير من الجماهير الهلاليه
اللي وده انه يرضيها بأي طريقه

بس بعض الجماهير الله يهديهم يعد ..كم ضيع ؟؟كم مرر خطأ؟؟ اكثر من انها تناظر الاشياء الزينه في مستواه ..


خليني استشهد بسامي كلاعب كبير ونجم يضرب به المثل .. كلنا نعرف ان سامي لاعب يتفاوت مستواه من مباراة لمباراة وبعد احيانا"
يمر وقت كبير مايكون سامي في مستواه وهذا شيء طبيعي لاي لاعب على الرغم انه مع الفريق من اول ...
فما بالك ياسر اللي ماله الا 5 مباريات ياأخي ترى الاعب بشر !!!

والله الكابتن ياسر مايقل عن ولا واحد من النجوم اللي في الفريق وكل نجوم الهلال
وكل نجوم الكرة اصلا" تعرضوا لضياع فرص وجتهم مباريات ماقدموا فيها شيء يعني ضاقت على ياسر
اللي ماقصر بشيء بس الحظ اللي معانده .
.لاعبية الهلال الان فيهم كم نجم مارجع لمستواه مع انه في الفريق من اول ..لو لاحظت الشلهوب اليوم بس من بداية الدوري قدم مستوى مقنع ....



والله ياليت بعض الجماهير الهلاليه بعد تراجع حسابتها ..احنا مانقول جاملوا على حساب الهلال
لكن خلونا واقعين شوي ..اللاعب بشر ..والا عشان مبلغ الصفقه ..تبونه لاعب اكثر من خارق ويصنع معجزات
..حكموا العقل والمنطق .. وساندوه وابشروا بالابداعات كلها ..

وبعدين المدرب ادرى واللي تجهله اغلب الجماهير ان ياسر في كل مباراة لعبها يقيمه باكيتا
ضمن اللي قدموا مستوى عالي ..يعني هو ابخص منا ..وبامكانكم سؤال احد الادارين في الفريق او اللاعيبه عن ذلك ..


وللمعلومية انا ماأقول هذا الكلام عشان تجاملون ياسر ..
لا والله وأنا متأكدة ان ياسر محتاج لنقد الهادف السليم كثر ماهو محتاج للتشجيع ..حاله حال اي لاعب هلالي ..

بس صبركم يا ناس عليه ..