السلام عليكم ورحمة الله وبركاته .

كلنا شفنا وش قال عبدالرحمن بن سعود في لقاؤه الخاص على دبي الرياضيه .. وشفنا وسمعنا انتقاداته واستهزائه بالهلال والهلاليين .. وكذالك غروره .. لكن ما نقول الا الله يصبرنا وبس .

انا بصراحه شفت البرنامج من بدا الين خلص .. وسمعت كل ما قاله الامير عبدالرحمن .. وبصراحه كلامه كله ما اعجبني فيه الا شي واحد فقط .. ويشكر على هالشي .. وباقي كلامه كله كلام ماله داعي وما يحتاج اقوله لان كلنا شفناه وانا ما ودي اطول الموضوع .

هو قال انه في الدول الثانيه يهتمون بلاعبينهم وخاصة المشهورين وما تلقى عليهم انتقادات بالجرايد والصحف وبالاعلام بشكل عام .. عكس ما نشوفه في السعوديه .

وكلامه هذا جميل ورائع وفي مكانه وانا شخصيا اشكره على هالشي .. لانه فيه مصلحه للوطن وللاعبيننا .. لكن اكثر اللاعبين في السعوديه منتقدين .. واولهم المسكين ( سامـــــــــــــــــي ) .. ويوسف الثنيان .. وماجد عبدالله .. وكثير من اللاعبين الشباب مثل محمد النزهان و محمد نور ( خاصة بعد إلي سواه بمباراة ايران ) وكثير منهم .

لكن لو نلاحظ بالدول الثانيه .. نشوف العكس .. نشوفهم يشجعونهم ويحاولون انهم ينمون من قدراتهم .

وبصراحه اول المنتقدين بالسعوديه هو انت يا عبدالرحمن بن سعود فكيف طلع منك وجهت النظر هذي ( ما ادري ) .

لكن اتمنى من الجمهور والاعلاميين انهم ما يحاربون لاعبيننا .

وتحياتي ....