|
طلب من ادارة المنتدى وطلب من صاحب السمو الملكي الأمير محمد بن فيصل ...((ادعموني))
[align=center]السلام عليكم جميعا ...
ياجماعه هذا اول موضوع لي بالمنتدى وبصراحه اعذروني لو كان هناك احد كتب عن هالموضوع وبصراحه انا حبيت اني احط افكاري بموضوع لانه بصراحه لو حطيته برد محد راح يهتم او راح يمر عليه مرور الكرام ...
ندخل بصلب الموضوع ....
انا حاولت مرارا وتكرارا الاتصال بصاحب السمو الملكي الامير محمد بن فيصل ((ابو سلطان وجه الخير )) على شان اطرح له وجه نظري وافكاري لكن ماكان يرد على تلفوناته الثنين ((يمكن انه مشغول )) الله يعينه ويساعده ويوفقه يارب ...
انا كنت ابي منه انه يعلن يوم معين يكون في هذا اليوم ملتقى بينه وبين جماهير الهلال ياخذ ويعطي معهم ويدعوهم للحظور للمباريات وسبب قلة تشجيعهم ((انا اقسم بالله اعاني من هالمشكله اصفق وينبح صوتي ولكن )) ويشوف وش سبب قلة تشجيعهم ووش اللي يمنعهم من ذلك ...
وايضا في هذا اليوم يقوم الجمهور بتقديم الدعم المالي للنادي من خلال النادي او البنوك ((واتمنى فتح حسابات اخرى في عدة بنوك موب بس البنك البريطاني )) .. ترا ياجماعة نادي الهلال جاب لنا بطولات الدنيا (( الله لايظره ماشاء الله )) ومن حقه علينا اننا نقدم الدعم له وهذا واجب علينا لما قدمه الهلال لنا ....
وايضا كنت اتمنى من سمو الكريم انه يصدر قرار بتشكيل مجلس ادارة للجماهير الهلالية يكون معاون لمجلس ادارة النادي ولايتعارض عمله مع عمل مجلس الادارة للنادي ويكون فيه اقتراحات وافكار تفيد النادي (( ترا ياجماعه فيه ناس يحبون يتكلمون وعندهم افكار حلوه )) ... ويكون هالمجلس برسوم للعضوية ...
منها ان النادي يستفيد من المداخيل اللي بتجيه من هالمجلس وايضا يستفيد من افكار الجماهير ويكون صوت الجماهير يوصل لابو سلطان بيسر وسهولة ...
اتمنى من ادارة المنتدى انها توصل هالافكار لسمو الرئيس واذا ماوصلتها انا بنفسي بحاول واتمنى من كل عضو وكل هلالي غيور على ناديه انه يتفاعل معاي ويدعمني ارجووووووووكم ياجماعة ......
تحياتي [/align]  | 