والله هالنصراوي يرحم ... يعني مالقى موضوع لحلقته الا استضافة كالديرون !!

يا قوس .. وينا ووين كاس العالم الحين ؟ جالس تسأل أسئله مثل وجهك ..

اجل يقول احد أسئلته البايخه ... انت استفدت من المنتخب ام المنتخب استفاد منك ؟

بالله عليكم هذا سؤال يسأله واحد لمدرب زي كالديرون ..

مدرب عالمي ومحترف ومهوب اي مدرب عشان تقوله هالكلام .. يعني الا تبي تعلمه ان المنتخب هو اللي مطلعك ..صدق انك وقح ... مدرب ناجح وجالس يحقق نتائج رائعه مع منتخبك وتقوله هالكلام ..

لو اني من كالديرون اطلع واخليه هالغبي ...

ياخي بلا بجاحه وبلا قلة ادب .. ياخي مهوب مشكلته انك مالقيت لك موضوع في برنامج السامج ...

تقوم تسأل اسئله زي وجهك .. هالمذيع يبيله التفاته من المسئولين صدق .. ولازم يفهم وش حجمه ووش البرنامج

اللي جالس يقدمه .. والهدف منه .. مهوب جالس يسمجها كل شوئ ..

لا ويوم تكلم في موضوع سامي .. المدرب وهو اجنبي اثنا على سامي وقال انا واثق منه وهو لاعب كبير

وهالامور مهيب عنده ... يجيك هالحاقد ويقول وش يخليك تضمن ان عنده ظروف ..

والله منتهى البجاحه صدق ...

عاد ليته كان قد شجاعته واستقبل اتصالات الناس ... واستقبل اتصال ابو عبدالله ...

عشان يعرف ويتحقق على قولته ...

ابو عبدالله كبير وهذا شئ مفروغ منه .. وكالديرون برضو لايقل عن ابو عبدالله مدرب ناجح واثبت انه قد المسئوليه .. عشان كذا لايهمهم بربرة بتال ولا غيره .. ونتمنى لهم التوفيق جميعا ً ..

اسف على الاطاله ..

فمان الله ....