ودي أسألك سؤال وأسألك بالله تجاوبني بصراحه

أولا أنا رساوي وإذا كتب أحد عن نقل المباراه أتقطع من القهر وودي أعطي اللي كتب الموضوع..............
وإلا بلاها هههه أمزح

لكن ياأخوي المباريات اللي للهلال مع النجمه والعربي بعنيزه ومباراة الهلال اللي ببريده تاج القصيم سواء مع التعاون أو الرائد

ماكنا حنا ياأهل الرس نضرب المشاوير عشان نجي لعنيزه أو بريده عشان الهلال وألحين يوم تحقق الحلم تجي الله يهديك وتقول نبي المباراه ببريده وإلا المشذاب اللي الصراحه أزعجنا بمواضيعه نبيه بعنيزه

لا ياأخوان المباراه بالرس وبالرس وبالرس وأثبتلك وشلون الجماهير وتعاللي بعد المباراه يابعدي

وأنصحكم ياجمهوووور الهلال خارج الرس لاتجون والله ماتلقون مكان سواء من كثرة جماهير الحزم أو جماهير
الهلال

تخيل معي يالغالي أنت والغالي الثاني المشذاب والله بالدرجه الأوللى السنه اللي راحت المباريات كما هو معروف بالعصر بعد ماجيت من المدرسه جدعت الكتب ورح لمباراة الحزم رحت الظهر والمباراه بالعصر
وكانت المباراه مع الرائدبالرس السنه اللي راحت يمكن تذكر والملعب مليااااان شفت المباراه واقف
وإذا كنت رائدي وجيت للرس علمهم وشلون الجمهور ونص مدرجات الرائد جماهير الحزم


وشلوووووووووووووووون أجل جماهيييييير الهلال بالررررررررس؟؟؟؟؟؟؟؟؟!!!!!!!!؟؟؟؟؟؟؟؟؟؟

بتشوف اليوم اللي عينك ماشافته وبعد المباراه أبقولك شف هالجمهوررر مع التحيه لجمهور الرياض اللي فشلونا