نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - تـكفـى يابو سلطـان..ترى التـاريـخ مايـرحم !! + دردشـات سريـعــه ..

الملاح الهلالي · #107 26/09/2005, 08:31 AM

[align=center]ابو ساره أنت رايق من جد

مو عشان الموضوع اللي كتبته
لا هذي يبغالها مدحه ثانيه على وزن انت مبدع

سبع صفحات موضوعك وجالس ترد عليهم
ياخي انا بأي منتدى اذا شفت موضوعي تعدى ثلاث صفحات اطنشه
احس الصفحات الاخيره كلها هواش ولا كلام مقتبس

على العموم الله يعطيك العافيه وان شاء الله انك استرجعت لياقتك
أخاف احسدك تطنش ردي من كثر الردود

بس بما انك قلت ان ابو سلطان متابع جيد للموضوعات بالمنتدى
يعني اذا ماقريت ردي بيقراه ابو سلطان

والله مدري اوجه كلامي لك ولسمو الامير محمد

يلا بلاش غلابه كلكم اخوان والكلام موجه لكم كلبووكم

تدري أني جلست اهايط على نفسي اقول الهلال بيفوز على سبورتنج لشبونه <<-- مالقى احد يهايط عليه

مدري ليش حسيت أن كل نجوم الهلال في الثمانينات والتسعينات والجيل الحالي يلعبون
يمكن لانها مباراة لتاريخ والفوز بيكون تاريخي

رغبتي بفوز الهلال هي رغبة كل هلالي سواء على سبورتنج ولا على الاهلي

البدايه دايم تكون حلوه ولها دفعه معنويه لأي فريق يلعب بالدوري
عشان كذا طالبت أنت بدعم الفريق الرديف بنجوم الهلال المتواجدين بالبرتغال

الفوز ببطوله دايم يزيد من تماسك الاداره ... ويزيد من تماسك اعضاء الشرف .. ويزيد من تماسك الجمهور وثقته بفريقها ...... غير هذا كله يعتبر تتويج وتكريم لرئيس النادي ويعطيه مساحه اكبر لصبر وتحمل المتاعب ... وان شاء الله تنحل ازمة الضائقه الماليه بعد تتويج الهلال بطل لكاس الاتحاد

كثير يقولون حط موقف موقف المرشدي ولا جبلي ولا الهليل ولا العصفور .. ولا الموري

تصدق لو اكون بموقفهم بكون على علم ومتأكد من ان تفاريس افضل مني بالدفاع ولذلك له حق يشارك .. والدنيا يوم لك ويوم عليك بيجي يوم يروح تفاريس وانا بكسب خبره اكثر واضمن مكانه

لو كنت مكان الموري بكون على علم ومتاكد من ان الحس التهديفي لياسر القحطاني افضل مني
لانه صبر لين نال الخبره والنجوميه

متاكد ان نجوم الفريق الهلالي اللي ساهموا في الوصول للمباراة النهائيه يؤمنون انهم اقل من نجوم الفريق الاسلسي بالخبره ... ولولا الخبره ما حسم لنا سامي الجابر النهائي عام 1418 من قذيفه باخر دقيقه بعد مشيئة الله طبعا

لاعبين الفريق الرديف ترى ما انولدوا على طول لاعبين ..أكيد كانوا مثلنا مشجعين ويؤمنون بأن مشاركة الاساسي خير للنادي وتتويج لمجهودهم

بدورة مكافحة الارهاب ما سمعت احد قال حطوا مكانكم بدال اللاعبين ولا تجيبون يوسف الثنيان و أحمد مناور و العصفور .. ولا لاعب الوحده ذاك اللي يشبه عبدو حكمي

مع ان اللي حسم الفوز يوسف الثنيان واحمد مناور

لو يلعب حماده المصري انتم مالكم الا تفرحون ببطوله

والنجوم الشابه الموجوده بالنادي بتاخذ فرصتها بشكل تدريجي
نجوم الهلال اللي بيشاركون المنتخب بيغيبون كثير هذي السنه
عشان هيـك لازم يحللون الرواتب

الزبده .. أنا مع من يؤيد مشاركة الهلال بالنجوم الاساسييين بس اخاف من عدم الانسجام

خلني أختمها قبل لا اغير رايي واقول شاركوا بالرديف

أبو ساره

ياليت تكتب مواعيد مواضيعك الاسبوعيه عشان نحجز مكان مناسب ..
ترى مليت من الصفحه السادسه والسابعه والثامنه

[/align]