اول الصراحة موضوع أكثر من رائع أما انا عندي موقفين :

الأول:يوم كان عمري 7 سنين اول سنة لي وانا تشجيع كورة طبعا انا اشوف اخواني الكبار يشجعون الهلال وانا مدري وش السالفة المهم فتحت التليفزيون واشوف مباراة الرياض ضد فريق ثاني ما اتذكره المهم اخبر ان الرياض فاز بنتيجة ساحقة طبعا على ايام فهد الحمدان وداين فايه وموسى نداو المهم جاني أخوي قال لي انت ليش ماتشجع فريق قلت خلاص الحين شجعت فريق وقال مين قلت الفهد(الرياض)قال وش ذا الفهد جديد قلت له لاتوه لاعبين وفازو قال الرياض قلت ايه قال خير ان شاء الله المهم خمس دقايق ونادان قالي تعال نلعب كورة لعبنا انا واخوي وولد عمتي واخوي الثاني المهم وحنا نلعب ما غير يشقشقونن من هالكباريات اكثر من وقالو لي ها وش تشجع الهلال والا الرياض قلت الرياض واستمر مسلسل التشقيق الي ماطحت من الصياح ومن ذاك اليوم وانا هلالي متعصب لدرجة البكاء اذا خسر بطولة .....

الثاني :أخوي عمره10 سنوات طبعا من يوم كان عمره 6 سنين وهو حافظ لاعبين الهلال طبعا خليناه هلالي لان كل عايلتنا هلالية المهم مباراة الموسم الي فات امام الاتحاد يوم الحكم علي المطلق يوم يحسب الجزائية الي بأخر الوقت ويوم يصفر على طول ولازود الوقت وغش غش مو طبيعي اعتقد ان الكل يتذكر المهم يوم انتهت المباراة وانا اشوف التحليل اسمع صوت نياح والتفت عليه والي يصيح صياح والله مو طبيعي ورحمته وقلت يارجال صدقني البطولة لنا والين ما جاء ابوي وقال ليش تتطقه قلت لا هو ما يصيح قام اخوي قال الا يبه اصيح عشان الهلال خسر بالغش وكان لعب الهلال ازين مع انه خارج ارضه والتفت ابوي علي قال لي حسبي الله عليك انت واخوانك شف وش سويتو بالولد ومن ذاك اليوم واخوي كابر بعيني ..

واسف للإطالة