السلام عليكم ورحمة الله وبركاته ..

..


..


..


..


أخواني الهلاليين .. أخواتي الهلالييات .. بقية المندسين والمندسات ..


الشعب الهلال بجنسياتهم المختلفة والمجتمعين بحب الهلال ;) ..


اليوم ماعندي عنوان محدد ... ولا عندي موضوع معيّن ... ولامربّع


أنا بسولف .. عن شوية أشياء ... وأبي شوية آراء ... وشوية اهتمام ;)


بتكلم أول شي عن وضع المنتدى ... كردود ومواضيع ... <===


والتكرار اللي صاير موضه .. الواحد يصكه راسه لو ماكتب موضوع مكرر


يعني لو تكتب موضوع عن المريخ السوداني ... عشرة كتبوا موضوع عنه ...


طبعا أنا كذا مرت سويتها وكتب موضوع مكرر بس بدون قصد ..


وفيه رد .. لأحد الاعضاء علي .. في أحد المواضيع اللي كتبتها ..

كان رد جميل ... واقتعت فيه بصراحة


قال لي انت كتبت الموضوع .. مع انه بامكانك تكتبه كرد في أحد المواضيع ...


وهذ فعلا اللي المفروض يصير ...


أتمنى من المشرفين .. حذف المواضيع المكررة ومع الوقت راح كلن يكتب رأيه بالموضوع الأساسي

هذي من ناحية المواضيع ...


أما من ناحية الردود ...


فلاحظت ناس تكتب مواضيع ... والمطلوب طبعا نقاش وتبادل الآراء ..


يعني يكتب واحد موضوع يقول مانبي لاعب ..


اللي بعده كلهم يقولون مانبيه .... طيب ... مانبيه بس علق على رأيك .... ليه ماتبيه ؟


ماتبيه عشانك ماتحبه بس ؟؟..


المفروض يكون فيه سبب عندك مقتنع فيه ... ورأي تعرضه ...


ياتقنع الناس فيه ... أو تقتنع من رأي الناس ... هذا المفروض ...


لكن تكتب مانبيه والا نبيه ...


وموب شرط لاعب .. أي موضوع ينكتب .. يبي رأي ونقاش ...


ولازم تطرح وجهة نظرك ... وماتكتفي بصورة أو رمز ..


بعض الناس يرد على موضوع بالصورة هذي ====>


يعني وش قصدك


أي رأي تقوله .. وأي رأي توافقه أو تعارضه ... يلزمك تقول تعليقك وسببك ... ;)



موضوع الجمعان ... صار الموضوع الأساسي للمنتدى هالأسبوع ...


وناس تقول يروح للنصر مجانا ... وناس تقول يروح لأحد اعاره ... وناس تقول اطردوه ...


بصراحة ردود تزعل من هلاليين ...


الجمعان أهداء للهلال بطولات ... وألقاب ... ومافيه أحد تخفى عليه امكانيات الجمعان ...


ان الادارة تعطيه النصر ... أو أحد ...


هذا راح يزعل اللاعب ... ويخف ولاؤه للهلال ...


راح يحس بالظلم ... يمكن تشوفون انه قرار تأديبي ... وتتوقعون الجمعان بيرضى ... وهذا خطأ


الجمعان موب أي لاعب ...


الجمعان لاعب كبير ... وخطير ... ومهاجم نااااااااادر ...


يسجل أهداف من كل شي ... فاولات .. كرات عرضية ... تسديدات من خارج الـ18 ..


صانع اهداف ... وكم مرة شفنا هدف من صنع الجمعان ...


الجمعان من سنتين فقط صار على هالحال ... وانتم ماتعرفون ظروفه النفسية ...


اللاعب يتحتاج وقفة من الجماهير والادارة ...


لو تبيون تكسبون خط هجوم ناااااااااري ... وسعوا صدوركم على الجمعان ...


ولا تحسسونه ان الجماهير تخلت عنه ...


ينااااااااس انتم هلاليين ... والجمعان لاعب هلالي ...


مايصير اللي تكتبونه عن الجمعان ..


أجل الجمعان قدره أحد ...؟؟؟ والا النصر ...؟؟


قسم بالله ناكرين معروف ...


دام الجمعان ماباعكم ليه تبيعونه ؟؟


الجمعان يقدر يروح للاتحاد ... يقدر يروح لنادي يشتريه ...


يقدر يعرض نفسه لأي نادي خليجي ...


بس حبه للهلال منعه ... ورغم غيابه بعض المرات ومماطلته .. بس ماندري وش اللي يخليه يسوي كذا ..


كلن له ظروفه ... أهم شي حب الهلال



تحياتي لكم ... وآسف على الاطالة والتمارين السويدية