سندريلا الهلال

هلا وغلا أختي ...

أنتي تقولين ماينفع ماردونا أوكي .. كلامك على العين والراس وربي ...

لكن ..

وش بيفرق ماردونا عن رونالدينيو ؟... أو بيكهام ..؟؟ ... أو أي لاعب ...؟؟

أنتم السبب تقولون إنه بيكون قدوة ... صح ؟

طيب رونالدينيو يضع السلسال وعليه الصليب ...

وبيكهام ماتشوفين جلده من كثر الأوشام ...

وغيرهم اللي عليه صليب واللي عليه قصة شعر واللي مدمن مخدرات وفضايح ...

يعني بس ماردونا القدوة وغيره لا

بالعكس ...

ليه مايكون مرض ماردونا تحذير ... عشان يشوفون وش تسوي المخدرات بالناس ..؟

يوم يشوفون ماردونا وش صار له وهو في عز مستواه بسبب المخدرات ..؟؟


وإذا قصدك إنه كافر ... أجل لاتيجبون لا برشلونه ولا قندهار .. كلهم كفرة إذا كان هذا السبب


وحضور ماردونا مايعني حضور الجماهير ... لا بالعكس ..

الجماهير بتجي لو ماجاء الا يوسف الثنيان بس ...


منطق وسبب ضعيف ... يعني لو قلتوا ماراح يقدم شي لانه شايب والا شي كان تنبلع شوي ..

لكن عشان كافر ومدمن والحين يتعالج ...

يعني بالله ناشئيننا اللي بحضرون المباراة ماعندهم الا ماردونا بيخربهم .....؟!!؟!؟!

واللي يشوفكم خايفين يقول ماردونا بيضرب أبر بالملعب ...



ومافيه تشويه بصراحة لا للإسلام ولا تندسين لمقدسات ...

كلام كبير سندريلا قلتيه ..

لانه جاء للمملكة بوش وكلنتون ... وهم سبب الحروب والدمار ... وماقلتوا شوهوا الصورة ..

عشان شخصية رياضية ... انهتها المخدرات ... قلتوا تشويه ؟؟؟


ماردونا اسطورة اللعبة وماظن ان لاعب كرة سلة بيجيب ماردونا ...


رأيك سندريلا على العين والراس ... لكن ماشوف فيه أي منطق سوى كلام مرتب فقط ..

شكرن لمرورك ولمناقشتك سندريلا

.................................................................


@دكتور هلالي@
يعطيك العافية دكتور على المرور ..

ومشكور على تعقيبك

............................................................

أبومسعد الشلاحي

شكرن على مرورك أبو مسعد ... وردي عليك هو ردي على سندريلا ..

الله يعطيك العافية




نقطة أحب أوضحها ... إني أختلف مع فلان وأوافق فلان مايعني إني أبي الناس توافقني ..

لا ... أنا أبي أوصل لنتيجة من اللي يصير ... ونقرب وجهات النظر ..

وكل رأي على راسي والله ... ممكن تشوفون شي ما أشوفه أنا ..

تحياتي لكم