السلام عليكم ورحمة الله وبركاته ...

أخواني أخواتي الهلاليين اللي يطالعون من العنوان الرجاء الدخول

لان الموضوع مهم جدا لكل محب للهلال ... ومحب لي <== توحشوا يحسبون الدعوة سلف

ادخلوا لاني بنزل شوي عن اذنكم ..

...


...


...


...


أصدقاني أصدقاتي ... فلذات كبداتي


اليوم بطرح لكم موضوع مهم جدا ... وبصراحة لطالما هز وجداني <== وجداني


الدوري راح يبدأ ... والاثارة بتشتعل ...

بوجود كوكبة النجوم الزرق بقيادة النجم الجديد ياسر القحطاني ..

وبوجود النجم الاسطوري وفي آخر موسم له سامي عبدالله الجابر

بوجود التمياط والشلهوب .. تفاريز وكماتشو .. عزيز والغنام .. الصويلح والعنبر


بت .. Lakin


هل عندكم استعداد كجماهير الوقوف مع النادي من اول مباراة إلى آخر مباراة يلعبها ..؟؟


والحضور الى الملعب والهتاف لنجوم الهلال مباراة تلو الأخرى ..؟؟


هل عندك استعداد ياموظف حكومي .. <=== لي موقف مع الموظفين

ياللي زادوك 15 % شهريا ... يعني حق شهرين تخليهم تذاكر الهلال للموسم كامل ؟؟


ياخي لو ماتحب المباريات بالملعب عطهن ولدك والا اخوك والا من تشوفه يموت بالزعيم هدية ..

واذا بغيت تهدي شي لأحد .. اهده بطاقة حضور المباريات للزعيم ..

تراها 15 % بالمية مب قليلة ..


<=== حاط عينه على الـ 15 %


شباب ترى الزعيم يستاهل ..

على الأقل سكان الرياض مقر النادي .. والقصيم والشرقية بما انهم الأقرب


يعني احضروا مباريات اللي بالرياض وعلى ملعب الهلال ونقولكم الله يعطيكم العافية


يعني اعضاء الشبكة كم .. 100000 عضو ..؟!؟!

قل نصهم من الرياض .. يعني 50000 عضو ...

يمديهم يخلون الملعب فل .. يخلونه ازرق ابيض .. نقدر نفاخر بحضورنا ..

وصدقونا تحركنا بيحركم جماهير الاندية الثانية ..

بس ماعلينا من أمهم ... أهم شي هلالنا وفخرنا ..


ولو حسبنا مباريات الهلال اللي بالرياض بالدوري بتطلع 15 مباراة فقط ..


15× 20 = 300 ريال سعودي <== أجل يمني


موسم كامل ... 300 ريال


لاتقولون كثير ..


اصلا يوميا الواحد يصرف 100 - 300



عاد عيال البطرة مثلي نصرف مالا يقل عن 5000 ريال يوميا


يعني مايمديك تحط 300 سنويا لحضور مباريات الزعيم ؟؟


صدق انكم بخلاء وتحبون المطاعم


شباب الحضور الجماهيري مطلب مهم ... معنويا وماديا لأي نادي ..


والمواهب ماتطلع الا بوجود الجماهير .. واللاعبين مايقدمون كل اللي عندهم الا اذا شافوا المدرجات ترعد


والله لو اني ساكن الرياض لأخيّم جنب ملعب الهلال ... واحسدكم والله ياسكان الرياض ...


بس مشكتي اني بالنمسا يعني بعيد شوي عندكم


أتمنى من كل قلبي يكون موسم الجماهير هالموسم ...


ومابي تقرون وتمشون مثل أي موضوع ... أبي وقفة تفكير شوي


تفكير بالزعيم مب تفكير بالدراهم اللي بتدفعهن


=====> خاص بطالبات الجامعة والموظفات

الحين 1000 ريال شهريا وكل يوم طالعتن وحدة ياليت نقدر ندعم الزعيم .. ياليت نحضر

اليوم يومكن

1000 - 300 = 700 <==== تلاحظون مشتغل مدرس رياضيات

يعني شوفي اخوك قريبك اي انسان هلالي حولك واشتري له التذاكر وخليه يحضر المباراة عنك

ونستثنى الطالبات المحرومات من المكافأة

والموظفات بعد اتمنى منهن دعم الهلال جماهيراً ..


............
............



نهاية كلامي ... مو انا اللي اوصيكم على الهلال ... انا اذكركم بس .. وابي منكم حماس وتفاعل

والعملية مب عملية تجميع اموال مثل باقي الاندية ..

أمثال حملة المليون توقيع ورقم حساب النادي والخرابيط تبع للأندية الثانية ..

الهلال مو محتاج دعمك المادية .. بقدر دعمك المعنوي ...

الهلال عنده اعضاء شرفه وعنده رجالاته ...

يكفينا فخرا ابو فيصل يقوده ...


أتمنى من الجميع الوقفة مع الهلال هالموسم ... والوقفة مع نجوم الهلال

هلاليين وهلالييات ... على حب الهلال نلتقي


كان معكم ابو ساري - النمسا

(( أتمنى عدد الردود مقارب لعدد الزيارات ))