لا تخاف الفكره توصلك من غير ماتفتح الصفحه
ليه ماتستفيد ادارة الهلال من نظام الاعارة بطريقة عكسية مثل ماتطبقه الاندية الكبيره في اوربا بأعارة اللاعبين الصاعدين لأندية أخرى بغرض كسب التجربة الميدانية اذا ماكن له حظ في تمثيل الفريق؟؟
العنبر والصويلح امكانات كبيرة لكن دكة الاحتياط او خارج التشكيل تقتل الحماس والطموح في نفس اللاعب الصاعد.
اذا تعاقد الهلال مع لاعب اجنبي تكون حظوظ المهاجمين باللعب على الترتيب الاتي:
1-سامي
2-ياسر
3-الاجنبي
4-العنبر
5-الجمعان
6-الصويلح
7-الخراشي
بيقول البعض ان الهلال قدامه مشاركات كثيره.
طيب ناخذ مشاركات السنه اللي راحت
الدوري: 22 مباراة
العربية:14 مباراة
فيصل بن فهد:6 مباريات
الارهاب: 4 مباريات
الكاس:5 مباريات
المربع مباراتين
المجموع=53 مباراه


طيب ناخذ مشاركات السنه الجايه بدون بطولة فيصل بن فهد لأن الاعارة بتكون بعد ماتنتهي البطولة
الدوري 22 مباراة
الكاس 5 مباريات
بطولة اسيا : 6 مباريات لأن دور الثمانية بيكون السنه اللي بعدها
الارهاب والمربع والبطولة العربيه بدون مشاركات
المجموع 33 مباراة بفرق عشرين مباراة ومع ذلك الهلال لعب بسامي كأساسي وثلاث مهاجمين احتياط .
بتقولون معسكرات المنتخب وانا اقول لكم الموسم يخلص قبل كاس العالم بشهرين ومو معقولة تكون معسكرات المبارايات الودية اكثر من معسكرات المبارات الرسمية اللي ماتأثر منها الهلال السنة اللي راحت.

الزبدة:
لاعب مثل العنبر مقدم مباراة كبيرة قدام كوريا وهداف بالفطرة يكون لاعب احتياط ويمكن حتى خارج التشكيل، الافضل للاعب وللنادي اعارته لأحد اندية الدرجة الممتازة اللي ماعندها امكانية تنافس على بطولات وبالطريقه هذي بتكون فرصة انضمامه للمنتخب كبيره واستفادة الهلال منه بالمستقبل اكبر بعد مايكتسب ثقة وتجربة وتقريبا نفس الكلام ينطبق على الخراشي والصويلح

وآسف جدا جدا على الاطالة لكن حرصي على توضيح الصورة فرض علي التفصيل والفلسفة وسلامة الطيبين