[align=center]السلام عليكم ورحمة الله وبركاته

ادري بتقولون .. باقي ما وقع العقد .. وما نبي نسمع شي عن ياسر
وما نبي .. وما نبي ... وما نبي
لكن نزولا عند رغبة الكثيرين .. الذين طلبوا قصيدة لياسر ... كتب لهم هالقصيده
ولا يهونون باقي نجوم الزعيم من اولهم لآخرهم [/align]

[align=center] [/align]


[align=center]ياسر هلالي ..اي نعم ..شي عادي
..........................بس الغريب ايكون ماهو هلالي
راعي الاصايل والولا والمبادي
.........................راعي الرجوله والمواقف عوالي
راعي الجمايل والوفا والشدادي
.............................رجّال ما ينساق خلف الريالي
نزفّ ترحيبه على غصن كادي
..............................ترحيبةٍ يسمع بها من طرالي
من ( طوكيو ) فنّه لملعب ( أزادي )
..............من عاصمة ( تشيلي ) لجزر صيف ( بالي )
لعبه يُدرّس منهج بكل نادي
................من ( كيب تاون ) ليييين توصل ( لمالي )
وفي مملكتنا صيته بكل وادي
.................جنوب / غربي / نجد / شرقي / وشمالي
غنّى اليمام وهزّ الاشواق شادي
..............................وتغيّرت طعم المراره بحالي
ياسر هلالي وافرحي يا بلادي
..............................بيجيك قناصٍ ولا خاب فالي
ياسر هلالي بشّروا هالنوادي
..........................ينفض غبار اشباكهم عالتوالي
ياسر هلالي واستمع ياتّحادي
.............................مالك ومال النجم يا ( همّلالي )
خلّك على طبعك ( بتفكير سادي )
.........................ما ينفعك بين الملا كشف خالي
مفضوح في لعبك وشيك المزادي
.....................مفضوح في هالعرض ( ياهووو خيالي )
(عدنان / عارف / جستنيّه / وفادي )
..........................ما ينفعونك فوقهم (بكر مالي )
للطير راعي وللمجاهيم حادي
............................وللطيب ناس وللعنا له رجالي
لا قال ابو سلطان قوله ايادي
..........................تفعلْ وغيره بالحكي قال مالي
دامه ولد فيصل وعمّه منادي
...........................عريب نسلٍ من عمام وخوالي
حكمه وحنكه فوقهم طبع هادي
...........................لطف وذرابه فيه هيبات والي
حازم وجازم قول حق وحيادي
.............................ما تاخذه بالحق لا لك ولا لي
تسلم يبو سلطان قايد وقادي
...........................قدت الزعيم لموقعه بالعلالي
وياسر هلالي (قل قسسم ) شي عادي
.........................بس الغريب ايكون ماهو هلالي [/align]