فجأة ،، بدون اعذار أو سابق انذار
غبت / و ( رحل ) عن طيف عيني خيالك

كنت ( أعشقك ) ،، بسكات / والقلب منهار
آخاف اقول : أهواك .. و اخسر وصالك ..

ما قلت ( أحبك ) ،، قالوا الحب / تذكار
و لا قلت لك .. ( سعادتي ) من خلالك "

قالوا ( جمال الحب ) .. في كتم الاسرار
و حرمت عيني // من ( شظايا ) جمالك

و قالوا لي إنك ( عارفٍ كل الاخبار ) !!
و انك بـ ( حبي ) دوم ، مشغول بالك

ألقاك .. و اخجل ، واخترع بعض الاعذار
و اقول .. في ( ضحكة غبا ) : كيف حالك

أشوفك بقربي .. و لكني ( احتار )
بعيد عني ،، و انا داخل مجاااالك

احساس بالغربة ،، و انا داخل الدار
حنين ،، يدفعني من اقصى الحشا // لك !

اسألك ،، عن ( طيش ) المشاعر .. و الافكار
ابغاك تصرخ : هاااااك قلبي حلالك !!

استنطق عيونك ،، و المّح بـ ( الاقدار )
ابغى استفزك .. و اكتشف من جدالك "

سألتني مرة : ( هل الوقت دوّار ) ؟
و غبت .. و نسيت .. اني آجاوب سؤالك

و سألتني ثاني : ( هل البحر غدار ) ؟
و ارسلت لك ( دمعة ) .. تزيد انشغالك !

كنت انتظر لحظة أمل / حب / مقدار
تشرق بها شمسي ،، و تحرق ( ظلالك )

و فجأة ،، بدون اعذار او سابق انذار ..
غبت و رحل عن طيف عيني / خيالك

ان كنت ( حي ) .. و يوصلك عني ( اشعار )
تعال .. جدد فرحتي .. باتصالك "

كنت انتظر ( فرصة غرام ) ،، و لقا ،، حار
في القلب // كلمة حب .. ما قلتها لك .





♡ ياسر ♡