| فيصل بن سبيّل الباهلي
الحوثي اللي نافشٍ ريشه ايران
والله ان يذوق الويل ذل ومهانه
طبع السعودي حلم وان ثار بركان
يمحيك في لحظة ويفرض كيانه
واللي تكبر ما نبيده على شان
الصدق والتحذير طيب وذهانه
نعطيه فرصة سِلْم من باب الاحسان
والى تمرد (واعتبرها شطانه)
وانساق مع نفسه على راي شيطان
واستنجد بكبره وغره زمانه
نشعل فتيل الحرب لو كان ماكان
ونريّخه ويشوف منا هوانه
اللي مع المخطي شهر وجه ولسان
ناطا على وجهه ونقطع لسانه
الا الكرامة عندنا شانها شان
ندفع لها الروح العظيمة اعانه
من كثر خوض الحرب في كل ميدان
(بين السعودي والبطولة ميانه)
ياحرب قومي واشعلي بامر سلمان
ما عاد فيها قدر والا مكانه
تزهبوا للسحق يا اذناب ايران
لا بو وجيه اهل الغدر والخيانه | 