لاعب يلعب أول مره مع الفريق الأول تقارنه مع 3 كباتنه في منتخباتهم ؟!
وش تحس فيه مع احترامي لشخصك .. رأيك غريب جدا ..
بغض النظر عن الأجانب الي ذكرتهم ومن منهم نجح ومن لم يخدم الفريق .. انت بهالشكل كأنك تقول ما نبي لاعبين اولمبيين أبد ..
خالد عزيز في بداياته كان أسوء لاعب هلالي تدخلاته خاطئة وتمريراته خاطئة ومع الوقت صار أفضل لاعب محور ..
نجاح لاعب الاولمبي مرهون بالصبر والوقوف معه وتشجيعه .. خصوصا وانه في أول مباراة رسمية كمحور دفاعي ثابت ..

ولو سألتك من جانب ثاني انت تبغى مهاجم في آسيا أو لاعب محور بتتردد وما تدري وش تختار .. الهلال كان لازم يضحي بلاعب أجنبي يا مدافع أو محور ارتكاز .. وكان الاختيار على المحور لوجود كريري القائد وسلمان وعطيف والفضل ..

اتمنى ما تنسى كلامك هذا .. لأنه بعد سنتين من الآن بإذن الله وتوفيقه عطيف والشامخ والفضل والسواط والكعبي والحافض بيمسكون الفريق الأول على أكمل وجه .. والفضل بعد الله وتوفيقه يرجع للناس الي وقفت معهم بصدق وشجعتهم بإخلاص بدون إدخالهم في مقارنة ظالمة مع محترفين أجانب في منتخبات تنافس على مستويات عاليه ..
الهلال يمر بفترة صعبة جدا .. تحتاج منا الوقوف ودعم اللاعبين الشباب والدعاء لهم بالتوفيق وعدم الاستعجال على نجاحهم .. لأن في الاستعجال نهاية كل نجم موهوب ..
فريقنا يفتقد للوجوه الشابه من سنوات .. وصرنا نعتمد على استقطاب اللاعبين من فرق ثانيه بتكاليف عاليه وأساليب وقحه من أكثر من فريق .. وبالتالي الحل الأمثل الاعتماد على نتاج الفريق الاولمبي .. والي فيه أكثر من لاعب مميز بإذن الله يرسمون خارطة مستقبل الزعيم ويرجعونه لسكة الذهب بعد أن تراجع عنها بقيادة ناس جبناهم من أندية ثانية وهمهم الأول المادة .. وانخفاض مستوى مواهبنا السابقة بعد ما تشبعوا من العقود المليونية والتعامل السيء من ادارة النادي ..

رفقا بمستقبل الزعيم يا جمهورنا .. تكفووون ..