| الحجاب والستر من الامور اللي ربنا شرعها وغصبا عن كل المسلمات انهم يتحجبو ويتسترو.. بالنسبه للغطا .. ف بعض الناس ماخذينها "خليكي فري".."بلا بداوه" .. "من فين جايه" .. "خلاص الناس تطورت".. ونسيو انو ربنا شرع الحجاب.. لو دخلت المول تفكر نفسك داخل زواج قسم الحريم.. فل ميك اب والعبايات "فساتين سهره" وعدسات ومناكير والعطوووور الوحده تمر من جنبك فواحه.. يالطيف..نسيت انو اللي تخرج من بيتها متعطره كأنها"زانيه" يالطيف..
اللي تبغى تتحجب اوك تحجبي بس بدون مكياج وبدون عطور وبدون عدسات وبدون تبرج وعبايتك ساتره تبغيها ملونه اوك بس لون واحد وماتقسم جسمك..<<اتحدى وحده تسويها.. بعض منقبات اشوفهم بالمول فل ميك اب لعيونها مع العدسات والخدود باينه وريحة العطر فايحه..ليه ياماما ليه ياحبيبتي .. مستغنيه عن الجنه.. ولا ايش الحكايه.. بنات جده "اللي مو من الجنوب او الشرقيه او من الشمال او من نجد عموما.."تكون بنت الغربيه والله لما يكشفو مايحطو مكياج ومحترمات..
انا اعتذر عن المقوله الحقيقية هذي"البدويه لما تتحضر تفصخ الحيا" ..انا شفت بنات من الجنوب ماهم متحضرين..الآن كاشفات ومكياج والامهات يقولو خلينا فري زيكم يا اهل جده..
ليه هذي الفكره.. وين ربنا..
انا انسانه عاديه ماني متشدده بالدين بس اخاف الله ربي..
اسأل الله انو يثبتنا عالدين..عن ابي هريرة رضي الله عنه ،عن النبي صلى الله عليه وسلم قال: "بدأ الإسلام غريباً، وسيعود غريبا كما بدأ، فطوبى للغرباء"
الغرباء يُقصد بهم..المتمسكين بالدين في زمن الفتن..
وهذي من علامات الساعه..
اسأل الله ان يثبتنا عالدين ويجعلنا من الغرباء..
*الحديث صحيح ..رواه مسلم في صحيحه*  | 