16/07/2005, 11:34 PM
|
| زعيــم جديــد | | تاريخ التسجيل: 22/08/2004
مشاركات: 39
| |
|
اللهم ادمها من نعمة واحفظها من زوال
[align=center]احمد ربي كل صباح وكل مساء على اني فتحت عيوني على هالدنيا بحب الزعيم والزعيم بس
يا خي انتم بالزعماء طماعين قوة 
فريقكم صار ينافس روحه بكل شي 
وفريقكم فريق الاوائل
وجمهوركم الاول باستفتاء مدرجات الملاعب 
وخزينة البطولات الخاصة بالنادي صارت كل سنة تخضع للترميم والصيانة والتجديد بسبب كيسان الذهب اللي كل سنة تزيد 
وادارتكم ادارة راقية وواعية ومثقفة واحترافية ونظيفة ونزيهة
وكل رئيس جديد لناديكم ما يروح الا وهو مكوش على كم كيلو ذهب عيار 24 ويروح وهو رافع الراس ويصير خير خلف لخير سلف :p
ولاعبينكم من فئة سوبر ستار بالفكر والمهارة والحب والولاء والاخلاص والتضحية
جمهركم الوحيد اللي ما يشجع الا فريقة وغيره يا حسرة كل يوم له شعار ولون 
وفريقكم فاز بحكم محلي وبخليجي وبعربي وباجنبي وما بقي الا حكم من المريخ 
البارح قابلت زعيم شرواكم وسالته ليه ياخي انت مبتسم دايم وش عندك
قال يا خي انا دايم مبتسم ما عمري حزنت ودايم مبسوط ودايم راسي فوق ودايم نفسيتي مرتاحة 
قلت له وش السبب عسى ربي يجعل ايام دوم سعادة ووناسة ؟
قال ياخي احد يشجع الزعيم ولا يكون مبسوط وسعيد !!
انا صراحة زيه ما عمري ضاق صدري ابد ابد ابد
لي صديق عنده بغرفته عشر اعلام بالوان اندية الممتاز ما عدا طبعا علم الهلال
يقول كل مباراة ضد الزعيم اتحزم بنادي واشيل شعارة واروح للمعلب اشجع ضد الهلال وكاني مولود بهذا النادي وبالاخير اطلع اخمس واسدس واوطي شعار هذا الناي بروجولي من القهر
ياخي احمدوا ربكم على النعمة اللي انتم فيها وادعوا ربكم ان الله يحفظها من الزوال 
انتم كل سنة بطولات ومنصات وغيركم سنين وسنين ويتبعها سنين وسنين والنتيجة لم يصعد للمنصة احد
احمدوا ربكم ان معاني الصبر والحرمان والحسرة والمعاناة والضغط والسكر والرومتزم والقلق غير موجودة بقاموس زعيمكم
انا صراحة هذي الكلمات ما عمري حسيت فيها ولا عشتها واللي اذكره ان هذي الكلمات كود مرت علي بالنصوص
احمدوا ربكم ان قاموس الزعيم ما فيه الا كلمة مبروك , كاس , منصة , بطولة , اخلاق , ذهب , اول , جماهيرية , اعضاء شرف ,
البارح فزتوا بكاس الملك فهد الله يحفظه ومن قبله كاس ولي العهد الله يحفظه هو بعد ومن قبله كوشتوا على كاس الامير فيصل بن فهد الله يرحمه ومن قبله كاس بطولة الارهاب اللي يحمي بلادي منه شره
وش تبون غير كذا 
انا هلالي افتخر اني هلالي وما اقول الا
اللهم ادمها من نعمة واحفظها من الزوال يا كريم [/align]  |
