| تبي الصراحة
ينقص الهلال اولا وقفة اعضاء الشرف وياليت قبلها استقالة الرئيس
ودعم خزينة النادي بميزانية مفتوحة للاستقطابات المحلية بشكل كبير واحضار مهاجم وصانع لعب ايمن اجانب يكونون بمستوى عالي مثل رادوي وويلهامسون ويفكوننا من سالفة كويس ورخيص اللي لنا ثلاث مواسم وحنا نشوفها بالهلال للاسف
اما اللاعبين المستهترين ياخي اولا ياليت يتركون شي اسمه عقد لمدة اربع مواسم او خمسة
خل اللاعب على اعصابه وخل العقد موسم او موسمين بالكثير
اغلب اللي هبط مستواهم ماهبط الا بعد ماوقعوا بعقود خيالية ما اشوف اي لاعب سعودي يستاهل ربعها
المفروض حد اللاعب السعودي مليونين بالسنة وتخب عليه
كيف بالله نفكر ان اللاعبين السعوديين يحترفون خارجيا اذا اسعارهم وعقودهم مبالغ فيها
اصلا من جا الاحتراف والكورة السعودية من جرف لدحديره والسبب ان الاحتراف طبق عندنا بشكل غبي
وبسبب انه اعطي المجال لبعض النوعيات مثل البلوي يدخلون في صفقات مالهم علاقة فيها ولا يفكرون اصلا باللاعب بس هدفهم كيف ارفع سعر اللاعب لكي ارهق خزينة الفريق الاخر وهذي نفذها الغبي البلوي بكل اقتدار
ياجماعة اطلق سعودي من طلعت الكورة في بلادي لين الحين مايستاهل اكثر من 10 ملايين في اربع او خمس مواسم وتخب عليه بعد  | 