بصراحه موضوع معقد وعجزت وانا اكتب فيه بس لان اطرافه متعددة ماراح نلاقي حل

لان كل طرف يدور صالحه الخاص فقط...اول شي اللوم على اللاعبين..شوف نفس اللاعبين الموجودين الان اللي بسن سامي ويوسف قبل لايجي احتراف وبعد ماوجد الاحتراف..

عقلية اللاعب اصبحت مادية فقط كل اللاعبين حتى من فئة ناصر حلوي لو ماياخذ فلوس تلاقيه مضرب عن التمارين

ثانيا..اللاعب ايام زمان يحس انه هو في حاجة النادي وتلاقيه يفكر طوال يومه بالمباريات وايش راح يصير بيفوز ولا بيخسر

ثالثا..عندك الاندية تستعبد اللاعبين (مو كلهم طبعا) يطبقون النظام علشان انه نظام بس من غير فهم لمعناه..وانه اذا تبي تطبق النظام اول واحد يمشي عليه انت يامن تطلب تنفيذه..

رابعا.. روساء الاندية..غيابهم يوزن غياب لاعبين البلد كله .الرئيس مهم وجوده طول الوقت والدليل البطولات الخارجية علشانهم حاسين بأهميتها تلاقيه اول واحد على باب الطيارة..

خامسا..الدلال الزايد للاعبين ..مقدم وراتب ماقلنا شي مكافات البطولات ايش فايدتها لو اللاعبين يسوعبون انها تشجيعية مو مشكلة لكن اللاعب يعتبرها ضمان لما يفوز باول بطولة يحس انه خلاص طلع له شي زيادة ويرخي اعصابه على الاخر ومايصحى الا وقت الطمع على المباراة النهائية لما يتذكر المكافاة

سادسا..الرئاسة ..الموظفين عقليات قديمة من ايام الرمز الاكبر..
لا افكار ولا مواكبة..الواحد منهم لما يقول فكرة تلاقي كوم غبار طار بوجهك ..واكثر التعيينات تكون تقديرية والبقاء للاكبر وليس للاصلح

سابعا..الجمهور..مايحتاج اقول لك عن غيري ..انا مثل منت عارف ادرس بجدة من اربع سنين والله والله الملعب عن شقتي خمس دقايق مشي خمس دقايق مشي

ومع ذلك ماحضرت للهلال ولا لغيرة اولا بسبب اخلاق بعض الناس وازعاجهم للجمهور..ثانيا مافي شي يخليني مااندم اني ماتعبت على الفاضي..لا تقول فيه استمتاع المتعه ماشفناها من زمان..
والدليل انك تتحمس لمباراة طاش ماطاش وحمود الفشقة اكثر من العك اللي نشوفه الحين..

ثامنا .. الدجل اللي في الصحف المحلية (مو كلها طبعا)..يكرهك في نفسك والتصاريح البايخة..

تاسعا..وللمليون..زي ماطالبت من اول بالاقتصادية والان غربلة شاملة واجبارية..على جميع المستويات..
روساء ومدراء ولاعبين واجهزة حتى الفراشين والسواقين لان عقولهم ملوثة بالفكر القديم

ولا ماراح تصحى الرياضة ابد ..وتكمل النومة..نتمنى انها ماتصير مثل نومة اهل الكهف

واسفيييييييين على الاطالة


اخوكم امجد...