السلام عليكم ورحمة الله
الف مبروك للأمه الهلاليه التأهل للنهائي السابع
انا متفائل بأذن الله ان النصر راح يتعثر بالمباراتين القادمه لسببين
شفتوا البارح مع حضور لجنة المنشطات لياقة اللاعبين قلت مع بداية الشوط الثاني حتى الراهب ماقدر يحتفل بالهدف من التعب
مو بالعاده دايم نشوف الراهب والسهلاوي وشايع والشهري وغالب ركض طول 90 دقيقه والبارح الله فكهم من هزيمه كبيره
النصر راح يلعب المباراه الجايه قدام العروبه وهم منهكين لعبو 120 دقيقه يعني لو العروبه لعب قدامهم مثل مالعب قدامنا اضمن لكم فوز للعروبه لأن النصراويه منهكين الا اذا ماكان فيه كشف منشطات
مباراتهم الثانيه نفس الشي راح يكون تفكيرهم مشتت للنهائي والدوري ولازم يركزون بوحده ويتركون الثانيه واتوقع يختارون البطولتين وراح يخسرون وحده فيهم >>مومتعودين ع البطولات
الأمير عبد الرحمن يطالب بحكام اجانب والنصراويين ساكتين وهم الي ازعجونا ان الحكم المحلي هو الي يساعد الهلال بالفوز طيب طالبوا مثلنا
لاعبين وادارة وجمهور الهلال موقنين ان البطوله هذي للهلال وبأذن الله راح تحضر روح الزعيم وراح ناخذ بثأر هزيمتنا الدور الأول وناخذ البطوله من قدامهم وراح يأثر عليهم بالدوري وراح نضرب عصفورين بحجر
وع سامي التركيز ع المباراتين القادمه وعدم التفكير بالنهائي لين يجي وقته
اتمنى يريح نيفيز وسالم وينزل الشلهوب وعزوز بأحدى المباراتين ع الأقل تفاديا للأصابات والأرهاق
ونفس الشي ناصر الشمراني اتمنى يريحه ويزج بياسر ويوسف بأحدى المباراتين عشان يسترجعون شوي من مهاراتهم ونحتاجهم بالنهائي
واتمنى من سامي قراءة الخصوم جيدا سواء التعاون او الرائد لأنها مفااح الفوز >>اللعب من لمسه والضغط ع حامل الكره والتحرك من دون كره كفيله بأّذن الله بأن نحقق انتصارات سهله بالمبارايات القادمه
وبالنهاية اتمنى من الأداره المطالبه بحضور لجنة المنشطات عشان التنافس يكون شريف + الأصرار ع حكم اجنبي المهنا ناويها للمحلي لكن اتمنى لو توصل لرئيس الأتحاد السعودي مو من حق المهنأ يرفض ويضيع مجهود لاعبين واداره بحكم يهدي الفوز للفقر
شفنا الفقر بدون مساعدات تحكيم ومنشطات ضايع ...............