نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق ملوك اوروبا Real Madrid 2012-2013 ||

CR7 2012 · #10434 05/05/2013, 03:16 PM

-

إقتباس

الرسالة الأصلية كتبت بواسطة نسيت انساكـــ


	بالنسبة لكاماتشو تقدر تقول لي من الاسماء اللي كانت معه ؟؟ افضل لاعبين العالم وقتها وايش حقق ؟؟ ولا شيء كابيللو برضو كانت مع نفس الاسماء وان كان عطاءها قل عن السابق بس حقق الليغا بفرق المواجهات مع برشلونة مع اداء سيء في وقت كان فيه برشلونة يمر في حالة ضعف شوستر نفس الكلام ينطبق عليه مر بفترة ضعف المنافس برشلونة اضافة الى انه قلب الفريق الى منتخب هولندا كل استقطاباته اسماء هولندية قارن الاسماء اللي مع كابيللو وكاماتشو مع اللي مع مورينيو حاليا فيه بينها مقارنة !! ابدا ما فيها مقارنة بليغريني حضر مع قدومه رونالدو وكاكا وكان مع قدومه ميزانية ضخمة وايش صار معه نطلع من ليون وننصك من الكوكورن بالاربعة ولا عمل اي شيء مع احترامي لكل اللي ذكرتهم ما يقارنون بمورينيو لما يكون عندك فريق لاعبينه قلوبهم على بعض هذاك الوقت اقدر احاسب مورينيو واقيس نجاح عمله من فشله بس اذا كان كابتن الفريق يعمل تحزبات ويحارب المدير الفني ويسرب الاخبار هنا ما تقدر تلوم مورينيو وعلى فكرة استقطابات مورينيو كان باسعار مناسبة جدا اعلى صفقتين هي صفقة كوينتراو العام الماضي وصفقة مودريتش السنة هذي اوزيل وخضيرة ودي ماريا جبناهم باسعار مناسبة جدا ولو تبي تبيعهم راح تكسب في قيمتهم الضعف بكل تأكيد على فكرة كم عدد اهداف هيجوين و بنزيما العام الماضي ؟؟ سجلهم التهديفي الموسم اللي راح افضل بكثير من المهاجمين اللي نبحث عنهم الان مورينيو انخدع فيهم وكلنا انخدعنا فيهم وظهر مستواهم لما نزل مستوى اوزيل ودي ماريا الموسم هذا بالنسبة لصلاحيات المدرب هذي ترجع لقوة شخصيته مدرب مثل مورينيو اشترط مثل هذي الصلاحيات عند قدومه بعكس المدربين اللي شخصيتهم ضعيفة مثل كاماتشو وخواندي راموس وبليغريني وهنا الفرق كم عدد الكروت اللي كان ياخذها بيبي ورونالدو واغلب اللاعبين مع بليجريني وعددها الان فرق والسبب الصرامة والانضباط وما اتفق معك انه لو مورينيو طلع من الريال راح يخسر لانه لو راح لتشيلسي فعناصره مقاربة جدا للعناصر اللي عندك بل افضل منك " جماعيا " غير الانتدابات اللي راح يعملها خصوصا انه راح تكون عنده ميزاينة مفتوحة من المجنون الروسي اتمنى مورينيو يبقى ولكن ان كان راحل ياليت يجي هاينكس او انشيلوتي !

انا قلت يتقارنون ؟! .. الاسماء اللي كانت مع كابيلو ماكانت مثل الاسماء الموجوده حالياً .. وهاذي حقيقه محد ينكرها .. صحيح مورينهو افضل مع كل المدربين السابقين بس لازم لا جيت تقارن بينهم تحسب الامور الجانبيه .. مثل الميزانيه ومثل الرئيس كالديرون و بيريز < فيه فرق في التعامل .. صحيح قوة الشخصيه تفرق بس ايضاً الرئيس يفرق .. بيريز مخلي مورينهو هو الرقم 1 بالنادي فوق من كان يكن .. عكس الرئيس كالديرون اللي ما اعطى اي مدرب راحته في العمل ..

كلامك مادخل راسي .. تقول برشلونه مر بفترة ضعف والاسماء الموجودين مع كابيلو كانو كويسين .. طيب ليه ماجاب الثلاثيه او على الاقل الثنائيه او على الاقل جاب الدوري بفارق نقطه مو متعادل بالنقاط ..

مورينهو جاء للريال والغريم كان في افضل فتراته وقدر يكسر هيمنتهم .. في موسم الاول اخذ الكاس من برشلونه وبعده اخذ الدوري منهم والسوبر منهم واخذ الكاس الموسم هاذا منهم بأذن الله .. انت بس تخيل مورينهو جانا في موسم 2007 ومع اللاعبين الموجودين حالياً

.. ما اقدر اتخيل وش اللي بيصير ..

بيليغريني خسر الدوري بفارق 3 نقاط بس .. وحصد 96 نقطه في موسمه الاول .. وطلع من ليون بسبب هيغوين .. لو ترجع للمباراة بتشوف الريال سجل هدف في بداية الشوط الاول وسيطر على المباراة و5 انفرادات سهله اضاعه هيغوين .. يعني زي ماحملنا هيغوين خروجنا في هاذا الموسم من التاشمب نحمله خروجنا من دور الـ 16 في موسم بيليغريني .. توخسر الكلاسيكو 1-0 و 2-0 وليس 5-0

.. وانا اتوقع لو استمر بيلغيرني موسم ثاني واعطي صلاحيات اكبر كان شفنا مدريد افضل .. والحين هذاك تشوف اندية الدوري الانجليزي يتسابقون عليه واولهم الستي المطنوخ

.. بس طمع بيريز في مورينهو واعجابه فيه هو اللي خلا بيليغريني يطلع من الباب الخلفي وماخلاه يستمر في النادي .. طبعاً لا تاخذ كلامي من منظور اخر .. انا اعشق مورينهو واتمنى استمراره اقل شيء الموسم القادم .. واشوفه افضل مدرب في العالم والسبب ذكرته في ردي الاول ..