كفانا ترديد زعيم نصف الكره الارضية زعيم نصف الكره الارضية
سامي راح يعتزل
الدعيع راح يعتزل
الدوخي راح للاتحاد
نواف يبيله فتره ويرجع هذا ان رجع
ماراح باقي الا الشلهوب
ومجمع مطاريس معه
كان البلوي ماخذه بعد
لا نلعب على انفسنا ونقول الهلال يقدم نجوم
ممكن تقولون لي فاخر اربع سنوات من قدم الهلال
انا اقول :
فهد مبارك,الحوطي,العنبر وشوية شباب مايعرفون من الكوره الا يلاحقونها
ولا... والمواهب الي عنده يجي من ياخذها غصب عن رئيسه وعن اعضاء شرفه
وهم جالسون يمدحون بكل سذاجه فلاعب توه شاق طريقه في مركز خطير
بعد ماسرق منهم لاعبهم ليرقعون الفضيحة
واعتقد الكل شاف مباراة الاهلي
خلاص كافينا ترديد عبارات وكلام لا يودي و لايأخر
مجرد فيتامينات للتخدير
اما من يقول فكل رد الرئيس جاب 3 بطولات وجاب وجاب
اكيد لازم يجيب
والا ليه رئيس ومسك النادي
بعد هذا الي ناقص
نجوم تنسرق ,, وحتى بطولات مايجيب
تذكرو زين
الدوخي خذه البلوي
القحطاني راح ياخذه البلوي
وراح يطلعنا من المربع بسبب زوبعة الدوخي
وهذا كله ببركات اعضاء شرف جابو لنا الغنام ونامو
ورئيس في كل مقابلة يمدح ويشكر فالاتحاد وكانه عضو شرف عندهم
سؤال:
هل تعتقدون في امل ننافس على بطولة اسيا بهاللعيبه الي عندنا بدون سامي والشلهوب ...
يبقى قابلوني
سرقة الدوخي ضربة قوية هدمت كل شي
ليس لانه انتقل
لكن كيف قدرو يوصلون له ويخلونه ينتقل وهو مع عقد النادي
كلمة توجه لرئيس الهلال....
اتحدى تحضر اي لاعب من الاتحاد ولو عمره فوق الاربعين.....
تبقى الكلمة الاخيرة الي واجب تنقال
الهلال جالس ينسرق لعيبته...واعضاء الشرف منظره
فعلى الفريق السلام
اخيرا:
اذا اعتزال سامي يعني انتهىء الهلال
وهذي حقيقة ومن يغالطها مكابر |