| للعلم الدوخي انتهى عقده مرتين
المرة الاولى ابان ادارة الامير بندر بن محمد ووقع بكل يسر وسهولة مع ان المفاوضات النصراوية كانت على اشدها بقيادة عبد العزيز بن فهد
والمرة الثانية في ادارة الامير سعود بن تركي اعتقد
وكانت هناك محاولات اتحادية جادة بس كمان وقع
هذا الرد رسالة للي يقول الدوخي تعبنا كل ما انتهى عقده
بالعكس الدوخي اقل اللاعبين مشاكل في الفريق وعمره ما انسحب
يوسف انسحب من معسكر مباراة النصر لما حطه يوردانيسكو احتياطي
سامي جلس شهرين ما يشارك بسبب الخلاف في تجديد عقده
نواف انسحب من معسكر الشرقية بسبب اختلاف حول مقدمات العقود
مع حبي الكبير لهؤلاء اللاعبين وايقاني ان هذا من حقهم
لكن اتمنى من الجماهير ما تظلم الدوخي
الدوخي كل الي قاله عطوني يومين افكر
وزي ما قلت لا تخلون مشاعركم تجاه انسان تتحكم فيها المصلحة
يعني الدوخي هلالي والنعم
الدوخي انتقل يصير افشل لاعب
لا الدوخي عزيز وغالي وله ايام ما تنسى
حتى لو انتقل
راح نذكر الدوخي وراح نذكر ابداعاته وعكسياته الي اهدت الهلال كذا بطولة
راح نذكر لبسه لرقم ابو يعقوب بعد ما تم ايقافه من الاتحاد الاسيوي في مباراة مع الاسماعيلي
راح نذكر انطلاقاته على الجهة اليمنى وكيف كان مجنن حسين عبد الغني ومورنه الويل
احمد مع الاساءات الي تضمنها خطاب الامير محمد بن فيصل تجاهه الا انه التزم بالحلم وما شفنا له اي رد
مع ان الامير كان قاسي معاه شوي
قارنوا الدوخي واحترامه لكم وللهلال
مع فهد الغشيان الي ما صدق خبر من انتقل راح يستفز الهلالييين بدون ادنى تفكير او احترام
الدوخي ابن الهلال وراح يظل ابن الهلال جلس ولا انتقل  | 