|
يار ب ياسر يروح الاتحاد او حتى النهضه بس فكونا ورأي عن الطقم الجديد
[align=center]بسم الله الرحمن الرحيم
بدخل بالموضوع على طول
يعني الواحد ما يدخل هالمنتدى الا ويلقى مقالات ومواضيع عن ياسر اكثر
من المواضيع عن الهلال ومكأن ما فيه في هالدنيا غير ياسر
لا والاحلى بعد بعض الاعضاء شوي وبيقلبونها ترجي وذل عشان ياسر
يجي للهلال وكأن الهلال هو اللي محتاجه
للمعلومية بس لبعض الاعضاء لو ياسر سجل في نادي ثاني هو الخسران مو الهلال
وللمعلوميه اكثر ياللي ازعجتونا بياسر ترى الموضوع مو في يده والماده هي كل شي
يعني هالمناحه اللي انتم قالبينها في المنتدى ما راح تقدم لكم شي غير مذلة لجمهور الزعيم
الله يرجكم اجل نادي بحجم الهلال وزعيم نص الارض وقاعد تترجون لاعب يجيكم
وبعدين لفت نظري واحد من الاعضاء كاتب في التوقيع حقه نكتة الموسم الحارثي
افضل من ياسر .
بالله هذي نكته ايه الحارثي في الوقت الحاضر افضل من ياسر وارجع لمباريات
المنتخب الاخيره وبتشوف من اللي يركض يدور الكوره ومن اللي يتفرج وبتشوف
من اللي يمتع ومن اللي يتفرج وبتشوف من اللي يسجل ومن اللي يعطل الكور وبتشوف
من اللي يناول ومن الاناني .
[glint]مع الخيل يا شقرا [/glint]
هذا افضل عنوان لاكثر الردود اللي نشوفها في المنتدى لييييييش
ليش كل واحد ما يقول رأيه الشخصي ليش كل واحد يدور وش اكثر الناس كاتبين ويقلدهم
وبالحديث عن مع الخيل يا شقرا
ذكرتوني بالطقم الجديد
بسأل سؤال
هل الطقم خطير رأيي لا
هل الطقم حلو رأيي لا
هل الطقم عادي اقولك ايه وعادي جدا
يمكن مع اللبس يفرق ما قلنا لا
لكن التصميم الاولي اللي عرضه لمنتدى عااااااااااااااااادي جدا
كنا نتمنى بعد هالانتظار نشوف طقم مميز يمثل الزعيم وبس
طقم لما تشوفه في اي مكان تشوفه في اي مكان في العالم تقول هذا الهلال
بصراحه انا ما شفت التصاميم الاخرى لكن بعض الاصدقاء شافوها ويقولون ان فيه
تصاميم احلى بكثير وطلبوا مني اكتب عن الموضوع .
غيرتي على الهلال وعلى جمهوره هي اللي خلتني اكتب عن ياسر وعن الطقم
بهذه الحده لكن والله من شي في القلب .
اسف على الاطاله
خاتمه :
اللي بيردون ويسبون ويغلطون اتمنى بس قبل الغلط والتنكيت والذب يقولون وجهة نظرهم
لاننا هنا في مكان حوار مو في مكان فرض اراء وشكرا [/align]  | 