نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رابطة عشاق الشياطين الحمر (المانشستر يونايتد)

hilalemooot · #5480 07/06/2005, 01:40 PM

[align=center]السلام عليكم

اخوي بيكهام عارف عبدالله وبران ولاعب التضامن بعد

اللاعب ياخوك خلاص إنتهى مع احترامي له وشفناه بمباراه 0/0 ;) عموما زي ما قال سامي لأحد عيال الفهد بعد مباراتنا معكم .. قال سمسم

: فوزوا على كوريا و أوزبكستان وخلوا كوريا علينا

يا حبيلك يا سااااااااااامي .. وبالتوفيق للجميع ..

بالنسبه لـ بارك جي .. أنت شفته أو لأ ؟؟ جاوبني وارد عليك .. بارك بينفعنا ولو كإحتياطي .. مثلاً كـ بديل لـ سكولز اللي أتعبنا هالموسم .. ومايميزه انه يؤدي أدوار مزدوجه هجوميه ودفاعيه يعني يمكن راح تشوفه جنب كينو .. اللاعب صغير وجيد ويسجل أهداف رغم أنه لاعب وسط .. فما المانع انه نجيبه خصوصاً أن سعره رخيييييييييص بالنسبه لـ غيره .. ومحنا دافعين شي من جيوبنا ياخوك

..

بالنسبه لـ إيسيان اللاعب كان مطلوب من فيرغي بس ليون متمسكين فيه وبقووووووووه وامس قرأت أنهم أتفقوا معه على تجديد عقده ..

بالنسبه للمقارنه بين إيسيان وبارك .. بارك تابعته مباراتين .. ايسيان شفته كثير .. ايسيان دفاعي ممتاز هجومي متوسط .. بارك جي ممتاز هجوميا + هداف .. دفاعيا مقنه كثيرا .. وياليت يا حمودي تعطينا رأيك بهاللاعب مع انك قلت ممتاز بس يهمني رايك بالذات ..

السمي .. والله انبسط اذا شفتك .. شاكرلك تواصلك يا غالي ..

إقتباس


	أنت يالغالي قلت عمــره 32 وسنتين وبحث عن حــارس أخر يعني لاصار عمره 34 وودي أنبهك أن عمره 34 الان يعني يالغالي من الان أبحثوا عن غيره

يووووووووووه ياحبك للتدقيق .. حمودي ملاحظك برابطه الغوالي الريدز تدقق واجد للشباب .. وشكلك ناوينا هنا بعد

.. بس يالغالي انت متفق معي اتوقع ان الحارس ليس كالاعب العادي .. يعني يمكن يعطيك حتى سن 38 خصوصاً في أوروبا ..

إقتباس


	أخـــاف أنك تأكل الكتاب عقب على الصفقه

ماحب التدقيق .. بس لازم نرد الجميل

إقتباس


	الأ يالسمي شـــايب

لا يا رجال مهوب شايب

إقتباس


	يالغالي السوق مليان لكن يبغــى دراهم ويومكم وصلتوا هولندا وإيندهوفن للتعاقد مع الاعب الممتاز بارك جي ليه ماتشوفون حارسهم لأنه بأعتقادي من أفضل الحراس الان

انا معك بالنسبه لـ غوميز .. بس اللي خلى فيرغي يصر على فان در سار هو انه يلعب لنادي إنجليزي .. وفيرغي لمّح انه جلب حارس خبير لانه يبي يصعّد الشباب جيرارد بيك وجوناثان سبيكتور ويحتاجون ان يكون خلفهم حارس خبير .. بالنسبه لجوميز زي ما قلت حارس ممتاز بس المشكله ما تضمنه .. جبنا بارتيز وكان الأفضل وشفت وش سوى فينا .. وفيرغي ما يبي يكرر التجربه وصدقني لو خيروا فيرغي بين روبنسون أو فان در سار لأختار روبنسون لأنه شاب ويلعب بالدوري الإنجليزي .. في إعتقادي ان فيرغي أختار حارس يعرف البريمر ليغ جيداً ولا تنسى شي .. شمايكل هو من إختاره ;) ..

إقتباس


	عمومــا يالغالي ماضيق صدري بهذا الصفقه فان در سار نفسه كثر ماضيق صدري حال المان الذي عودنا الدخول وبقوه على أي صفقه وبمبالغ "خياليه نوع ما" والان بدأ يبحث عن حارس عمره 34 سنـــه.

هذا الموجود صدقني .. وان شاء الله يرد علينا فان در سار ..

إقتباس


	شف يالسمي لا أدعــي محبتي للمان ولكني والله يعز على أن أرى أي فريق أنجليزي يضعف والى الان منقهر من الحال الي وصل لها ليدز طبعا لا أقارن المان بليدز

والله نفس حالتك .. ليدز وكذلك هبوط ساوثمبتون وكذلك هبوط مستوى نيوكاسل وضعفه .. لكن متأكد مهما حصل المان ما راح يموت بحول الله

.. انا لا ادعي اني منيب خايف صدقني خايف من العله اللي جانا لكن ما يطمني وجود جمهور يحب فريقه وفيرغسون اللي يريد إعاده المان لمكانه ..

إقتباس


	ولكني أعتقد أن المان يتجه نحو نفق مظلم

الله يستر .. والله خايف بس متفائل

بالنسبه لموضوع جليزر .. اكذب عليك ان قلتلك مرتاح له .. سمعت كلام كثيييييير عنه وسمعت انه آتى ليسدد ديونه .. زعلت اول ما شرى النادي بعدين فكرت شوي قلت معقوله يعني دافع كل هالمبالغ علشان يسدد ديونه .. قلبتها يمين يسار ما جت معي والله .. طيب ليش ما ناخذها من باب ثاني انه يكسب من النادي عن طريق إشهاره أكثر ؟؟ مثلا جلب لاعبين كبار او الاعلانات او غيره .. لا يهمني انه يكسب او يخسر بقدر ما يهمني الفريق نفسه .. اتمنى ان يكون آرمتسرونج مخطئاً وراح أبقى متفائل وان طار النادي لا سمح الله كما يقول البعض راح أضل عايش على ذكراه :sad: .. يمكن العاطفه تغلب احياناً لكن خلنا متفائلين وان شاء الله خير ..

ما يقلقني فقط طبعا من الكلام الي سمعته ان اليونايتد سيعاني من ديونه تماما كما حدث للاتسيو الإيطالي و ليدز .. لكن ان شاء اله يبقى المان ..

بالنسبه لجلب النجوم .. فيرون جانا بارتيز وغيره .. ما فادونا بشي للأسف .. وانت لو تلاحظ لما تجيب لاعب لاي فريق انجليزي دون تحديد تجده ينجح بنسبه كبيره بينما العكس لما تجيب لاعب لم يلعب في البريمر ليغ .. طبعا لكل قاعده شواذ لكن اتكلم غالباً .. وهذا اللي يجعل فيرغسون يتجه نحو جلب لاعبين من البريمر ليغ خصوصا في المراكز الحساسه كالحراسه ..

عموما النقاش معك يا غالي ممتع لأبعد درجه .. لكن زي ما يقولون النوم سلطان

وان شاء الله في الأيام المقبله راح نتكلم أكثر .. شاكر لك تواصلك يا غالي ومروك الرائع .. ولا تحرمنا طلتك يا غالي .. وان شاء اللع يبقى المان ناشبلكم انتم وتشلسي والقنرز

بالعله حقتنا او بدونها ..

على فكره .. حاول انك ما تدقق

لانكم بتلقى اغلاط واجد

..

نشوفك على خير .. فـ مان الله ,.,., [/align]