المشكله ماهي في طيبه ابو سلطان الطيبه زينه وعاده الهلاليين كلهم لكن المشكله من امير الرياضه سلطان بن فهد يعني معقوله يسكت عن اللي يجري
الصحافيين الاتحاديين وغيرهم يشككون في بطولات الهلاليه بشكل مخجل لم يكن في وقت الامير الراحل ابو نواف رحمه الله قبل ايام قرينا كلام البكيري في صحيفه الرياضي تكلم على رئيس الهلال بطريقه السوقيين وقبلها قرينا كلام ابو بكر مالي اللي يقول اغلب بطولات الهلال تمت بالاستعانه بالتحكيم
يعني الهلال رشاهم والامير سلطان ساكت ولا درى عن شي
يعني لهاادرجه عنده حريه الرأي والرأي الآخر مع انه خرج عن سكوته لما الحمادي انتقد عمل الاتحاد السعودي لكره القدم وقام يزبد ويرعد لين قلت راح فيها الحمادي .
انا مابيه يقدم الهلال في كل شي انا ابيه يعطي الهلال حقه وكل الانديه السعوديه
هو مادرى ان الهلال اعطى السعوديه بطولات خارجيه اكثر مما اعطاها له المنتخب السعودي مع تمنياتي له بالتوفيق الليله