اما يصيرون رجاجيل قد المسؤليه .. ولا الباب يوسع جمل .! رئيس النادي كالعاده بيقولها
الواحد ماله نفس يتكلم باي مقدمه
كالعاده بيطلع عبدالرحمن بن مساعد في تويتر نعتذر عن الخسراه وانا واللاعبين
نتحمل المسؤليه ..!! طيب وبعدين الى متى وش الحل وش نسوي بالاعتذار
مدرب والله ماعنده اي قراءه للمباريات نهائياً اذا تلعب قدام فرق اقل منك مستوى و امكانيات
وش راح تسوي ضد الشباب والاتحاد والاهلي والله ما اشوفها راح تكون مصخره تاريخيه
ومن شفته مختار مانقانا وهذا لعبه وانا غاسل يدي ..! الشي الثاني محترفين للاسف ما منهم اي فايده
بيطلع لي واحد الحين بيقول توهم ثاني مباراه .... يا نااااااااااس افهموا اللاعب المبدع
ياخي يطلع منه اي شي يوضح تمريره او تسديد او اختراقات او اي شي يتميزه فيه
اللي عندنا ماااااااااااااافيه احد نهائيا وين النص وين صانع اللعب للاسف مافيه احد
معتمدين على الشلهوب والعابد وسالم الدوسري اللاعبين عندهم نزعه هجوميه طيب
وين اللي يصنع اللعب ويقطع الهجمه على الخصم اذا انقطعة الكوره يا نااااااس احترموا تاريخ الهلال
سالم الدوسري مبدع وهو توه صغير طاروا فيه بعد مباراة النصر ومباراة استراليا واصبح اللاعب استعراضي
ولا فيه اي فائده في القريق وهالشي من بعض اعضاء المتندى والمقربين من اللاعب
للاسف اليوم 12 تمريره خاطئه في الشوط الاول لاعب غصب بيبي يصير انا احسن لاعب بالاستعراض
والسبب تطبيل في تطبيل .
المدافع ما نقانا
بالله مدافع ما يعرف طريقة التسلل هذا اللي تقولون اصبر عليه فيه مدافع ما يعرف التسلل
بس مشكلتنا مدامه لاعب في فرنسا خلاص معناتها افضل لاعب وقوي مشكلة جمهور يشوف الدول الثانيه
كل لاعبينها نازلين من السماء محترفين ومبدعين سبق وقلت هاللاعب سقيم ولا يفيد الفريق نهائيا لا تحركات
ولا تمركز ولا تسليم ولا استلام بالله هذا محترف والمشكله مدافع
كنا بلشانين بالمرشدي وراح اسامه وجاء واحد وبلشنا بالاثنين .! ابي اعرف المسلم ليش موجود
فلاته ليش متعاقدين معه واخرتها اعاره اي عقليه يعيشها الهلال الى متى المثاليه والمجامله على حساب النادي
تعرفون اسيا .... نبطي عظم يشمها الهلال بهالاسلوب ... والله وش اكتب وش اخلي
فريق كنا ناخذه بالخمسه رايح جاي للاسف الحين يفوز بعد المصخره الي حاصله
المشكله اذا انتها عقد لاعب جلس يتدلع يبغى ملاااايين وهو والله ما يستاهل مليون
خلااااص يرحم امكم خلااااص والله مبارتين تعبنا نفسيا منها
رحل جيريتس : وراحة شخصية الهلال
رحل رادوي : وراحة روح وقوة الهلال
رحل نيفيز : وراح ابداع وفن الهلال
وكنا نقول الكيان لا يقف على احد ولكن جاء الوقت اللي يخلينا نقول وين زمن هالجيل
لللاسف يا عبدالرحمن بن مساعد مثاليتك هي السبب وتعاقداتك هي السبب
