... والله ياعزيزي ... عن نفسي... بديت اكره المنتدى..من جد ... ماصار يمثل المشجع الهلالي ... بزران يتعاملون مع اللاعبين كنهم حشرات ... اطرف كلمه تطري على باله يقولها ... !!


المبزره اللي كل ماقلت له شي قال انا مشجع ومن حقي انتقد ... انت شجعت اول؟؟؟

عشان تسمي نفسك مشجع ؟؟؟ شجعت ؟؟ دعمت باي نوع من الدعم ....؟؟عشان تسمي نفسك مشجع ؟

والا بس قاعد وتكتب في النت يا حياتي و تعبت ؟؟؟ وقلت انا مشجع وابي انتقد...

لا وكيف تنتقد ياروح امك : يافاشل ... خلوه ينقلع عن النادي ... تعلم كيف تدل الباب ... والا الطلبات اللي كنها طلبات بنات متوسطة ( ابي مدرب مدري وش لونه ولون شعره... وابي محترف جديد بسرعة جيبو لي اي محترف والا بصيح ... مليت من الاول ... ياعمري)

وناس مسوين لي فيها ان اللاعبين خدم عند ابوووهم : اخدم ياللاعب ولا تفتح فمك ..؟؟!!!

قال ايش قال : النادي اكبر من الجميع ... ؟؟؟ اوك النادي اكبر .. بس ليه ياحبيبي تبي تذل خلق الله .. انت ..

الهلال ترى ماهو عرق ننتمي له.. والا اسمه على اسم مدينتا اللي ولدنا فيها.. نطلع نشجعه بالفطره ...

ولا هو مصدر رزق للي يشجعونه .. عشان يتمسكون فيه..

.. لولا النجوم اللي .. حببونا في الهلال .. ماشجعناه ... علقونا فيه وحبينا الوانه من محبتهم ... النعيمة والثنيان وسامي ..

واللاعبين اللي يقولوا عنهم هذولا مايساومون النادي ... يوم عن يوم ينقرضون.. اذا مالقو دعم ..ولا يبقى لك الا عديمي المواهب ... اللي مايلقى غيرك يقدم له شي ولا راح يساوم طبعا وافرحو به ..

والا النجم وش يبي فيك انت وتحطيمك ؟؟

كل يوم والثاني تشتمون وتسبون وتنتقصون من اللعيبه ... والله ما الوم اسامه يوم مشى ولا ياسر ولا اي نجم يبي يمشي .... جمهور محبط جداً ..

وش ابي منك انا ياللاعب... الا تشجعني وتدعمني...

ولا تغرك الخلافات الشرفيه اللي في الانديه الثانية ... بين يوم وليله تنتهي .. يشترون لعيبتك كلهم ... ويومها بيكونو اللعيبه كارهين النادي بسبب المبزره من جماهيره ... اللي للاسف المنتدى معطيهم جوهم .. وبقووووه... وهنا مصدر الغرابه ؟!!