السلام عليكم روحمة الله وبركاته...

والله ياشباب ان اكره شي عندي اني اكتب... مع اني من أقدم الاعضاء هنا ومتابع يومي لكن العجز والكسل فيني تمنعني من الكتابه :sad:

المهم.. وانتم الاهم...اللي سواه أبو سلطان الله يخليه ويحفظه خلاني غصب أكتب

ليش يا أبو سلطان

بكل برود يا أبو سلطان تقول ماراح نرفع احتجاج؟؟؟

بكل برود يا ابو سلطان تسامح الاتحاد؟؟

بكل برود يا أبو سلطان تلعب بأعصابنا وتتجاهل مشاعرنا وتقول مافيه احتجاج؟؟؟

أليس النادي ملك لنا جميعا؟؟؟

أليس لنا نحن جماهير الهلال رأي ؟؟

اذا كان الجواب للسؤال الأخير "لا" فهذي مصيبه.. واذا كان الجواب" نعم " ليش ماخذت برأينا

وأنا متأكد 99 % من الاعضاء يرفضون السكوت عن الاحتجاج

أبو سلطان اللي أبي أقوله ان النادي ملك لنا كلنا.. وانت واحد مننا..عطيناك الثقه علشان تمسك

نادينا وتدافع عن حقوقنا وتقودنا الى البطولات...يعني بصراحه صدمه كبيره لنا انك تحرمنا من

حقنا بالاحتجاج.. ليش؟؟ ولعيون مين؟؟؟ لعيون من كسر باصاتنا؟؟ لعيون من خطف خميس؟؟

لعيون من رفض التأجيل؟ لعيون من حرمونا نواف ؟

أبو سلطان يشهد علي ربي ان قبل هالتصرف ماشفت اثنين يختلفون عليك... لكن بعد رفض

الاحتجاج والله ناس واجد شايله عليك لانك حرمتها حقها ...وانا أولهم يا أبو سلطان ..

وزي ماقال اخوي ابو ساره ماكان له داعي تقسم الجمهور بين مؤيد ومعارض لك بعد ماكانو

متفقين عليك

من حقي يا أبو سلطان أقولك ليش؟ وليش وليش وليش؟ أنا أحضر..أشجع..أدعم.... واحترق لأجل الفريق ..مالي خاطر؟؟ من أبسط حقوقنا ناحذ حقنا..مانبي شي أكثر .. حقنا وبس..

أبو سلطان اذا لنا خاطر عندك جاوب علينا.... لـيـــــــــــــــــــــــــــــــــــــــــــــــــــــش ؟

===================================
ملاحظات :
1-أنا مقتنع بأن الاحتجاج سيقبل لو رفع بناء على توضيحات الاخوه بالشبكه.. وليس من مصدر ثاني

2- سامحونا على الاسلوب بالكتابه اللي ادري مافيه جملتين مترابطات مع بعض بس وش اسوي

وربي اكتب من قهر فيني...وانا اصلا مالي خلق اكتب.. فالعذر والسموحه

[email protected]