نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - القناة هلالية .. والتحليل هلالي ..والتعليق هلالي

المحب لزعيم اسيا · #2 20/05/2005, 10:11 PM

[align=center]

إقتباس

الرسالة الأصلية كتبت بواسطة STS2005


	[align=justify] القناة هلالية .. والتحليل هلالي ..والتعليق هلالي بسم الله الرحمن الرحيم مدري ليش جتني الفكرة بعد ما شريت بطاقة نادي الهلال وهي فكرة كانت موجودة ايام الإدارة السابقة وهي فكرة قناة فضائية خاصة للزعيم يعني اللي يشوف القنوات اللحين كل بلد له قناة او اكثر حتى العراق وهو بلد توه طالع من حرب له اكثر من خمس قنوات فضائية تخيلوا قناة فضائية للهلال وتصير كأنها مثل منتدى الزعيم اخبار وتفاعل بين الجمهور ونقل مباريات لكافة فرق الهلال صدقوني هذا مهوب حلم اذا تم تبني الفكرة على الواقع شوفوا كيف بيكون المردود المادي للنادي على مدار السنة طبعا التطبيق صعب لأن الإدارة الحاليةعندها اولوليات. لكن لو يكون تبني الفكرة على مراحل : 1-في البداية تكون القناة من قنوات art وطبعا صالح كامل بيكون اول المستفيدين لأنه يعرف اكيد شعبية الهلال وجمهور الهلال والدليل على كذا اختيار الهلال للبطولة العربية السنة هذي. 2-يكون مقر البث والإدارة من النادي نفسه علشان تكاليف التشغيل يعني من الأن يوجد مقر للقناة. 3-كلنا نعرف ان اوربت محتكرة الدوري السعودي بس لا ننسى ان الهلال مقبل على بطولات خارجية بعد تحقيقه بطولة ولي العهد وبطولة كاس الأتحاد يعني السنة الجاية ان شاء الله بيكون للهلال مشاركات كثيرة هذا غير الألعاب المختلفة في النادي. 4-لا ننسى رجل الاستثمارالأول الأمير الوليد بن طلال لو تعرض هذه الفكرة عليه صدقوني راح يدعمها ويمكن تكون هذه القناة احدى نشاطاته الاستثمارية . 5-الجمهور الهلال ولله الحمد جمهور معطاء لكن يريد الطريقة الصحيحة لدعم النادي وصدقوني من الأن انا متأكد ان معضم جمهور الهلال بيشترك في القناة لمدة ثلاث سنوات مقدما اذا طلعت على ارض الواقع . أخيرا .. اسف للإطالة بس صدقوني نادي الهلال ( الزعيم ) يعتبر في هذا الوقت ثروة استثمارية كبيرة لأي إدارة لو تفكر في العمل عليها من الآن علشان ترتاح . وشكرا لكم [/align]

الاتحاد السعودي رفض ويقول تسبب عصبية بين الجماهير.[/align]