السلام عليكم
ألف مبروك يا زعماء يا أبطال وعقبال الباقي إن شاء الله .
شكرا لكل هلالي إدارة وأعضاء شرف ولاعبين .. والشكر الخاااااااااااااص للجمهور الإزرق اللي يبيض الوجه ويستاهلون .
أما سامي الله لا يحرمنا منه صال وجال وسدد ومرر وأرعب رغم انه وحيد ومحاصر بأكثر من لاعب بس الكبير كبير ..والله ياناس أبوعبدالله مازال عنده الشيء الكثير بس طريقة اللعب تستنزف طاقته وتسهل الرقابه عليه ..
الحقيقة الكل ماقصر بس أعتقد فيه شوية ملاحظات :
1- شفنا كيف القدساويين يلعبون الكوره أول بأول بدون تأخير وهذا اللي جعل وسطهم باين اليوم .. أما الوسط الهلالي فكان واضح كل لاعب لازم يمر من لاعب أو أكثر وبالتالي يسهل قطع الكوره منه أويمرر خطأ..
2- الدفاع الهلالي وفي أغلب المباريات يصير فيه تأخير في نقل الكوره وكثير يحرصون على إرجاعها للخلف أو على الجانبين .. وقليل تشوف تمريرات سريعه للأمام مما يفقد الفريق السرعة والمباغته.. وشفنا كيف كان سامي يفتح اللعب ويطلب الكوره بس بدون جدوى لأن الكرات العرضية طاغية على ألعاب الفريق . حتى في بعض المرات إذا مرروا الكوره للأمام يكون الدفاع قفل المنطقة.
3- إعتقد إننا لو نلعب ب3 مهاجمين ماراح أحد يوقف في طريقنا.. الهلال ماهو الفريق اللي يلعب بمهاجم واحد بس.. أما الطريقه الحاليه فهي تناسب الفرق الضعيفة اللي تسعى للخروج بأقل هزيمه.. أما فريق بطل ويسعى للفوز فهي طريقه متعبه للاعبين لأن الظهير يهاجم ويرجع ولاعب الوسط يهاجم ويرجع وهذا فيه استنزاف طاقة اللاعبين وأبطاء سرعة نقل الكوره..
صحيح إحنا نفوز بس ماهو الفوز اللي نطمح إليه .. إحنا عندنا أبطال نصف الكره الأرضيه وطموحنا كبييييييير كبييييييييير .. مع الهلال تعودنا على أن لا نشبع من البطولات فلا تلومونا لو طمحنا في الأفضل والأكثر ..
هذا مجرد رأي ممكن يكون صح أو يجانبه الصواب .
المهم ألف مبروك للجميع وعقبال القادم إن شاء الله.
وعاش الهلال