| كثرة المنتديات اللي على قل سنع هي اللي اثرة على باقي المنتديات المشهورة والكبيرة اللحين ما تشوف منتديات عامه كل اللي نشوفه يا منتديات بنات او منتديات تحميل افلام او منتديات تفحيط هذا غير يجيك واحد يحط منتدى ومعه غرفة دردشه وتشوف اللي متواجدين في الغرفه اكثر من المنتدى .
تويتر ما يعتبر منتدى بل يعتبر موقع تواصل اجتماعي لكن احنا كل شي بنقلبه حوارات ونقاش مستحيل تتم مناقشة واحد وهو في بيته او صفحته الخاصة لازم يكون بينكم مكان محايد وهذا هو اساس المنتديات .
اللحين الناس ما ودها تكتب اكثر من ثلاث كلمات لانهم تعودوا على الاختصارات والايقونات وما عندهم ثقافه واطلاع على اساليب الرد تلقى الواحد عنده رد لكن ما يقدر على صياغته بشكل صحيح يوصل فكرته وهذا ما تحتاجه المنتديات لذلك يذهب الى مواقع لا تحتاج الا الى كلمة او كلمتين . وهذا من اهم اسباب هجر القراءة والاطلاع وزيادة مخزون القاموس الثقافي للشخص .
يعطيك العافية . | 