04/02/2012, 12:06 PM
|
 | زعيــم مميــز | | تاريخ التسجيل: 02/11/2006 المكان: مدرجات البرنابيو
مشاركات: 7,763
| |
يعطيكم العافيه رابطه برشلونه , جوله ممتازه فيها مباريات حلوه فالنسيا والاتلتيكو دايم يصير فيه اكشن , واسبانيول وبيلباو . فالنسيا × اتلتيكو مباراه متوقع نشوف فيها اهداف كثيره , القوه الهجوميه عند الفريقين تأكد لنا هالشيء خصوصا ان كل الفريقين دفاعهم مش ولابد , انا اشوف ان الي بيستغل الفرص الي بتتاح له هو الي يفوز , مافيه مرشح للمباراه . اسبانيول × بيلباو بيلباو والسان ماميس , يم يمي  دايم احرص اني اشوف مبارياتهم على هالملعب , حماس الجمهور يطربك وتتحمس معهم , بيلباو يعيشون افضل فتراتهم واسبانيول توهم متعاقدين مع ثنائي ممتاز بالهجوم اوتشي وكوتينهو  مباراه منتظره بالنسبه لي خصوصا بعد تطور الفريقين , المتش ما يفوت احرصو انكم تشوفونه فيه متعه بتصير . اشبيليه × فياريآل بالسنوات الي راحت كنا نشوف هالمباراه او نعتبرها بعض المرات انها مباراه الجوله , لكن الغواصات هالموسم مستوى سيء جدا ومحد يدري وش السبب مره تقول المدرب ومره تقول مافيه لاعبين واذا ركزت تلقى عندهم لاعبين ممتازين وتقول مافيه روح بالفريق . اشبيليه ما ينقصون شيء عن فياريآل موسمهم سيء هالفريقين واشوف الافضليه بالفوز للغواصات يعني توهم جايين من تعادل مع برشلونه ومنتشين بهالتعادل . مدريد × خيتافي مباراه صعبه خصوصا ان الجو ما يساعد انك تلعب مرتاح , الجو بيكون -2 تحت الصفر ويمكن تنقص اكثر , الخوف من الاصابات , لازم فريقنا يسجل هدف بدري اقتل حماسهم وحماس جمهورهم من البدايه وتلعب مرتاح , الانديه الي مثل كذا كل ما تأخر هدفك عليهم كل ما عطيتهم الجرأه انهم يهاجمون ويلعبون بشكل ممتاز , مثل الي صار لبرشلونه ضد خيتافي تأخر هدفهم وعطوهم الفرصه يتقاسمون اللعب معهم سجل خيتافي وخلصت المباراه , هيجواين لازم يبدأ المباراه لانه دائما يقدم مستوى ممتاز بهالملعب . برشلونه × سوسيداد غيابات برشلونه مؤثره بقوه , مفاتيح اللعب واعمده الدفاع ما راح يلعبون , فريقكم يرقل اليوم وهذي فرصه سوسيداد انه يقضي عليكم ويجيب الفوز الي تأخر 25 سنه على الكامب نو , لو برشلونه مكتمل اليوم المباراه تعتبر منتهيه قبل ما تبدأ وما نرجي شيء من سوسيداد , لكنهم ناقصين عشان كذا انتظر مفاجأه من عيال الباسك . استديو الليغا ممل وكله هواش , ودي ادخل يوم والقى فيه نقاش وسواليف تستمتع فيها وتستفيد , تدخل تلقى حالات تحكيميه وهواش وصراخ ونعال مجدعه بكل جهه وعقال شاطف وتضطر انك ترد بنفس الاسلوب الي الشباب ماشين عليه . كتبت هالرد الطويل وفيه شويه تحليل لعل وعسى يتجراون الباقين ويمشون على نفس الطريق الي بديته .
|
