|
موقف حصل معي ( مع شرطي ) في كندا
السلام عليكم ورحمة الله وبركاته
اليوم حصل معي موقف يحمل في طيَاته الكثير من المعاني حول فهم الاجانب عن الاسلام
..
كنت امشي ف السياره طبعا انا بكندا بحكم دراستي وادعوا ان الله يوفقني
قمت من النوم اثاري الساعه متأخره شوي وانا لازم اوصل الجامعه الساعه 7ونص صباحا واذا تأخرت عن الموعد لو اقل من دقيقه مايدخلونك
وانا قمت الساعه 7 يعني باقي نص ساعه .. لبست بسرعه وتجهزت وركبت سيارتي ومشيت بسرعه 140 كيلو مع ان فيه لوحه مكتوبه لاتتعدى السرعه 120
وانا والله اول مره اسرع او اخالف انظمتهم
وتبهذلت .. لحقني شرطي ووقفت على جنب ونزلت
قالي انتم المكسيكيون ماتتبعون النظام ابد
قلت له انا مو مكسيكي انا عربي وضحكت
قال اوو عربي من اي دوله .. قلت له من السعوديه
قالي بلد اسامه بن لادن . سكت انا
حسيت ان وده يحارش وعارف انهم يكرهون المسلمين
وناظرني قال تدري شكلك يبين انك مكسيكي .. بس يوم قلت لي انك عربي ولا بعد سعودي ودي ادبل عليك المخالفه لاني اكره المسلمين ( قام يسب ويقول كلام )
طبعا انا مالي خلقه ولا لي خلق اجادله تأخرت مره عن الجامعه وعطاني مخالفه وعطاني هالكلمتين قهرني بس انا متعمد اني ماطول نقاش معه ,,
| 