ياتوماس دول مستوانا عقيم ولا يبشر بخير .. يوسف العربي مستواك ماتغير الزعيم بحاجه هداف ؟؟ وسلطان اليامي ضاله الزعيم بالظهير الأيمن
نفس الموسم الماضي مستوانا عقيم نفوز امام الفرق الصغيرة بطلعه الروح ِ
اللي شاهد جميع مبارايات الزعيم من البطولة الودية بالرياض الى مباراة الرائد اليوم المستوى هو المستوى ماتغير احيان صعود واحيان نزول بأستثناء مباراة الأهلى كانت قمة بكل شيء وين هذا المستوى ؟
مستوانا سيء والسبب توماس دول ماتشاهد بصمه مدرب نشاهد فقط مجهودات لاعبين احيان فوق واحيان تحت
لو تتذكرون معي ايام غريتس ؟؟
كل مباراة افضل من اللي قبلها ومو بس كذا كان اداء الاعبين كمجموعه قمة بالمستوى وصعود
ولعبنا على اربع نهائيات وتأهلنا لدور الثمانية من كأس آسيا وكان موسم خرافي
ياناس استغرب من اصرار المدرب على الزوري ياخي عط شافي الدوسري فرصه لو مره وحده او اقل شيء
اعطه نص ساعة من المباراة الزوري لاعب منتهي لا هجوم ولا دفاع الاعب استهلك ؟؟
عندنا محمد نامي مستواه متواضع لاكن الاعب شاهد حيله اقول له بيض الله وجهك
لاكن الزوري مايتعلم ولا يبالي
اتمنى من توماس دول يفعل الاطراف والعمق مو لعب عقيم 90 دقيقه من العمق
اجل وش تسوي بالتمارين وش تعلمهم عليه ؟؟
القادم اصعب
.. .. .. .. .. .. .. .. .. .. .. ..
فترة الانتقالات الشتوية
يوسف العربي
انا من تابعت له مباراة بمعسكر المانيا قلت مستحيل ندخل بالاعب هذا في بطولة قوية مثل بطولة آسيا
كل يوم اقول نعطيه فرصه
7 مبارايات بالدوري مع المبارايات الودية ومستوى الاعب ماتغير
ثقيل – يضيع 10 فرص ويسجل هدف – يستسلم للرقابه بسهولة – لا يجيد المراوغه
تدرون ليش اقول ماني مقتنع فيه لان المبلغ اللي تعاقدنا معه عالي جدا وبالامكان نجيب افضل منه
انا اشوف لعبه مثل زياييه مع اني اشوف زياييه افضل منه مهاري وارخص
وبعد راح يتغيب كثير عن الهلال وحنا بحاجه مهاجم هداف والمبارايات القادمه اصعب
ياليت بفترة الانتقالات نجيب لاعب مميز لو ماهو عالمي لان بعد فترة الانتقالات الشتوية راح تبدا بطولة آسيا
ايمانا
لاعب مميز واضح عنده امكانيات عاليه لاكن بهذا الاداء من بداية الدوري الى مباراة الرائد اشوف ويلي
افضل منه بمراحل مع اني من المطالبين في بقاء ويلي ..
استغرب من اللي يقولون افضل لاعب بالمباراة ماسواء شيء ياناس لاعب صانع لعب
ماصنع ولا هجمه فقط يستعرض انا مااقول مانبيه اقول نعطيه فرصه للانتقالات الشتوية اذا ماتحسن مستواه
للافضل فيه افضل منه بكثير ..
عادل هرماش
كل الشكر لكل من جلب لنا هذا الاعب المبدع مع انه كان مصاب بس من اول مباراة واضح لاعب رائع
وقلتها سابقا والله افضل من راودي نفس مواصفات رادوي بالاضافه يجيد الاحتفاظ بالكرة والمراوغه
ولاعب هادي ولا يتحصل على كروت بعكس رادوي .
بس تكفى انتبه على نفسك اليوم استغرب دخوله بقوة في كرات عاديه واحده منها توقعت يصاب في موضع
اصابته السابقة
بيونغ سو
لاعب مميز ورائع مع انه صغير بالسن وماعنده خبرة بس متفائل كثير فيه ومتوقع منه يقدم مستوى افضل من
العربي
الصفات المحليه ؟؟
اتمنى الهلال يتعاقد مع سلطان اليامي لاعب التعاون ظهير رائع كلنا شاهدناه امام الهلال وكذالك امام الشباب
ماشاءالله عليه دفاع 100 %
بالاخير بالتوفيق للزعيم ويآآرب القادم افضل
