بصراحه اكتشفت ان صفقاتنا ( من جنبها ) أجل الشهراني هاللاعب المتواضع صفقته 15 مليون !! امحق لاعب لا جسم ولا دفاع .. بالعكس محمد نامي يغطي دفاع افضل منه ويلتحم افضل منه ، مع احترامي للإدارة وهذا مايعني أننا نكرههـا .. نحب الهلال بكل شيء فيه لكن الصراحه تنقال

صراحه ماني مقتنع بـ الكاميروني .. وراح يجي الوقت الي تتذكرون فيه ويلهامسون تقولون ياليت كان موجود

وصراحه اتوقع ان الهلال هالموسم يبي يصير ملطشه للانديه السعوديه .. لكن الله يعين ويستر

وتوماس دول صراحه صرت اخاف منه .. الحين لعب مباريات كثيره وديه لكن ما شفنا لمسات مدرب متعوب عليها !!

يعني ابي اشوف شيء مميز في الهلال مافيه لا هجوم من الاطراف ولا من العمق ولا مثلثات

لكن برضوا .. أنا أقول بلاش نحكم من الحين خلونا لين نخوض اقل شيء 5 مباريات في الدوري ونشوف .

لكن اللعيبه ذولي ماهم وجيه اسيويه مع احترامي للجميع .. اتكلم عن الاجانب فقط .. لكن اللاعبين المحليين ابدعوا اكثر من الاجانب في مباراة اليوم ( الاهلي الاماراتي ) .