بسم الله الرحمن الرحيم
السلام عليكم ورحمة الله وبركاته
الكل شاف مباراتنا مع الاهلي الاماراتي والمستوى السيئ والي بعض من جمهور الهلال نسى او حاب يتانسى
ان الهلال يلعب بالاولمبي مافيه من الاساسي الا ايمانا او الكوري وايمانا هذي اول مباراه له مع مجموعه اول مره يلعب معها
للجمهور المتشائم ابريح راسكم من الحين تعالوا انسخوا هذي الكلمات والصقوها في المواضيع الي راح تفتح وتكون نقد وتجريح للادارة واللعيبة
_ جمهور المباراة الواحدة يقول محترفين فاشلين وراح ارد عليهم واقول نسوا ان محترفينا لحد الان مالعبوا ولا مباراه كامله مع بعض
_جمهور المباراة الواحدة يقول مدرب ماعنده اي خطة لعب او لمسات وراح ارد عليهم واقول نسوا ان هذا المدرب مالعب الا مباريات قليلة واغلب اللعيبة كانوا غايبيبن عن المباراة
_ جمهور المباراة الواحدة يقول الادارة اخطات باابعاد عزيز واحنا محتاجينه وراح ارد عليهم واقول نسوا ان عزيز عطته الادارة بدال الفرصة الف
_ جمهور المباراة الواحدة يقول سامي دمر الفريق باابعاده للنجوم وراح ارد عليهم واقول نسوا ان سامي هو من اتفق عليه اعدائه قبل محبيه انه افضل مدير كرة
_ جمهور المباراة الواحدة يقول هجومنا عقيم وراح ارد عليهم واقول نسوا ان مهاجمينا يعتبرون الافضل ولحد الان المباريات الي لعبوها مع بعض ماتتعدى 3
_جمهور المباراة الواحدة يقول الادارة اخطاات بتعاقدها مع المحترفين وراح ارد عليهم واقول نسوا ان ادارة الهلال اتوقع والله اعلم اكثر ادارة دفعت في اللعيبة الاجانب
هاه وش بقى بعد ترانا حفظنا هذي الاسطوانة من بعض الجمهور الهلالي صاحب المباراة الواحده
طلبتكم ياجمهور الهلال سووا الي تبونه بعد مرور 6 جولات من الدوري وقتها اقولكم ان الي ذكرتهم فوق اخطائوا
ان اخطئت فمن نفسي والشيطان وان اصبت فمن الله سبحانه وتعالى