صباح الخير

اولا مبروك الفوز الهزيل للزعيم والله انه رفع ضغطي اليوم بس معليش الجاي احلى ان شاء الله

ثانيا مستوانا اليوم مايأهل ولاعبينا مادري اش فيهم بإستثناء المفرج الله يعطيه العافيه والسلامه

ابوعبد الله اليوم ماهو مع المباراة وفكره شارد وواضح عليه عسى خير ان شاء الله
اما ابوعلي حسن ماقصر في كورتين بس بغى يجيب العيد في اللي طلع فيها بس ماقصر المفرج
وودي ادري ليش تخمه بعض المرات وتمسك غلط بالطلعه من المرمى بس راحت على خير
وعاد لاعب الركبي ديسلفا والله وقسم بالله انه جننني كل كوره لازم فاول عليه ومستحيل يمسك كوره وذا والله مهوب كفو يلعب للازرق بس وش نقول لاوعلى حساب الصويلح اساسي وانا لويجيني مالعبته بلايستيشن .
والشلهوب حساسيته ضعيفه اليوم على الكوره هو الدوخي .
وعزيز (( ماودي اقول شئ ))
وعمر الغامدي عساه بس طيب من اصابه في اصابه :sad:
وكماتشو تفاريس والخثران يضهرون شوي ثم يغابون .
وبالنسبه للحكم الجروان الله يهديه كسرونا لاعبين الوحده وهو ماعنده الااصفر ولا حقت الكويكبي احمر صريح واصابة عمر اصفر ثاني للاعب يعني احمر بس مهوب مشكلة المهم فزنا
بس ضربة الجزاء اللي احتسبت لنا احب اقول لكم انها الاخيره هالسنه ولوننحرق جميع ماظن الحكام بيحتسبون بلنتي للهلال .
لأن بكره صحافة الأتي والبلوي وصحافة سعود عبد العزيز والنصر مهيب مقصره تتشب في الحكام واللجنه والرئاسه علشان بلنتي امس وهذي عيني اذا يحسب لنا بلنتي لانكم عارفين الحساسية ضد الهلال وعلى فكره هذا البلنتي الثاني اللي يحسب لنا هالموسم بعد بلنتي ابويعقوب في الضعييييف .في نهائي التضامن .
وهذا الثاني والاخير وتتذكرون كلامي بعدين
رئيس الوحده صرح وبيصرح رئيس الاتحاد والاهلي والنصر واذكروها
بس هم حلال عليهم (( مثل بلنتي الأنصار أغرب بلنتي في كوكب الأرض )) بس مسكت مع الحكم وطلبه ووده الحبوب
((الحارس اولفر كان العريجاء خوجلي )) يشوت قال ابشر اعطيك واحد بلنتي وكرتين بس لايضيق صديرك يابعدهم كله ولا الاصفراني وصحافته .
بس لاتزعلون وتذكروا كلامي ان هذا اخر بلنتي هالموسم حتى ركلات ترجيح ماظن بيحطون خلاص