قبل أن ابدأ هذا رايي واحتاج رأيكم بسم الله :
بدون تشأوم كانت علة الهلال في العام الماضي في دفاعه ومحاوره فتمت التضحية بخط كامل فالنزهان والمطيري والشريده وخليل وسيفو وذياب مجرشي والمفرج ( كظهير أيسر ) هم الضحية
بعد كذا قلنا المفرج في قلب الدفاع أحسن وهو لاعب مجتهد وتفاريس مطمئن والخثران والغامدي وعزيز تتحسن مستوياتهم وتم شراء الغنام ، والبرقان جالس يثبت نفسه .
مضواح ، الجري ، إلى الآن بدون فرصه .
الياس معقول .
الهليل والمرشدي ما اعرف اصنفهم
لكن بعد الشر بعد الشر بعد الشر اصيب تفاريس أو اخذ كرت أو اصيب المفرج أو اخذ كرت في مباراة مصيرية فمن سيكون البديل ؟؟؟؟؟؟
الشريده شبه مستغنى عنه ، خليل نفس الكلام ، تقولون الهليل أو المرشدي صراحه ما ادري ايش أقول ، ربما عزيز أو الغامدي أو الغنام واقول هذا مثل الحارس البديل في حالة طرد الحارس الاساسي والتغيير منتهي .
اللي ابغى اتوصل له إن الهلال بحاجه لقلبين دفاع لا يقلون عن الاساسيين ، والان الدوري في جميع الدرجات شغال يعني ياأدارة الهلال وين الكشافين سواء لهذا العام يعني نشتريهم سند للباقي من الدوري والبطولات الاخرى أو للعام القادم لإنه في الاجازات ماراح تحصل لاعبين إلا إذا كنا نبغى مثل حريصي أو قلب دفاع رأس تنوره اللي والله ما اعرف اشتراه الهلال أو لا ، وسلامتكم