هلا عنود الصيد ,,,
الوحيد اللي ماينقبل هو " ثقيل الدم " وللأسف فيه من هالنوعيه كثير وبالذات في المنتديات ,,,
الجاد والواقعي والمملوح واللي يتميلح هذولا مقبولين بدرجات معينه ... كل واحد وحسب طبيعته ,,,
ثقيل الدم هو اللي ماراح يكتسب صفه غير ثقالة الدم ... أما بقية الأنواع فيمكن تتغير مع الزمن وحسب الحاجه , يعني الجاد ممكن يكون مزوح في أوقات معينه ولو كانت قليله , والواقعي يمكن يكون حالم في أوقات أخرى وحتى لو كانت قليله .... وهكذا ,,,
حبيت أقول إن مسألة ثقالة الدم أوخفته مسأله نسبيه تختلف من شخص لآخر .... فاللي أشوفه مايتحدر بعشر قوارير " خروع " يمكن غيري يشوف دمه شربات والعكس صحيح
,,,
وحبيت أقول بعد ولو إنه بعيد شوي عن موضوعك .... إن نظرة بعض الناس لنا المفروض ماتأثر فينا كثير بناءا على ماسبق , فالواحد المفروض مايتأثر بالشخص اللي ينتقده أو يكره طبعه لإنه راح يلاقي أكيد شخص يوافقه ويرتاح له وخصوصا إذا كان الإنتقاد حاله شاذه ماتكررت كثير,,,
والمسأله في الأول والأخير مسألة توافق أرواح .... أنتي وأنا وبقية الأعضاء يمكن نلقى في منتدى واحد أشخاص يقبلونا وأشخاص لا , وهذا شيء طبيعي ويجب إننا مانتأثر بعدم التوافق هذا كثير ,,,
تحياتي لك ,,,
