بسم الله الرحمن الرحيم
السلام عليكم ورحمة الله وبركاته
كيف حالكم وكيف احوال الي يختبرون
يشهد منتدى الزعيم هاليومين ازدياد كبير بالاعضاء وصل 70 الف على ما اعتقد وعلى ما سمعت
وبالتاكيد من بين هالاعضاء واحد بالابتدائي و واحد متوسط وثانوي و( الجامعه ) و واحد متزوج وعنده 3 عيال واحد اسمه متعب
وفيه شيبان وفيه عاطلين وفيه خليجين و و و . . . .الخ
موضوعي اليوم موب عسكريم ولا قصه
بس ملاحظتين على الاعضاء وتكثر في منتدة الجمهور لكثرة المواضيع
الملاحظه الاولى هي :
الحين الواحد اذا دخل الجامعه طآآآر بالعجه وصار يدور اي واحد بالثانوي يقوله يا بزر
وصار ما يرد على امه لانه رجل
وبدا يحب وحده عنده نيت خطبه الشيخ ,, لانه رجل
صار يجلس عند العمال الي يشتغلون بالبيت ولا يرضى انهم يشتغلون لحالهم ،، لانه رجل
وصار ما يعطي اخوه الصغير وجه ،، طبعا لانه رجل
وصار عنده استقلاليه بالراي وهو ما يدري وش مناه طبعا،، لانه رجل لازم يصير عنده راي
وصار يسمع شعر وقصايد وسمع قصيدة عنتر بعبلى وقرر يحظر مهرجان لعنتر ،،، يالغالي ترا عنتر على وقت الجاهليه ،، اووه صح نسيت اثرك رجل
وطبعا الرجال تجيه طفه بالجرايد ما بقى جريده الا وقراه يشري عشر ويقرا وحده يمل من اول صفحه لان كل الي بالصفحه اكيد انه فاهمه حتى الملاحق الي مع الجرايد يفتشهن ،، طبعا صار رجل
وطبعا صار راعي طلعات وروحات وجيات وتخييم ويدبل تسبد امه عشان ينام بالبر وفجاه يجون الساعه 2 الليل
ورآآآه جأ ، دخلت عليهم سحليه يحسبونه تمساح ، الله الله على الرياجيل
خلاص قضن الملاحاظات على الرجّال
الي لاحظته على بعض اعضاء الموقع من الطلاب الجامعيين هو التالي :
اذا كان كاتب الموضوع واحد بالثانوي خذ من الردود الصاعقه والي هي تادب بزر الثانوي ذا
( انت بزر وش يدريك بالامور ذي - مبزره ومسكوا كيبوردات - رح نم بكرا عندك مدرسه ومدرسه ذي اهم شيء
بالمناسبه يا بزر الثانوي ترا الطالب الجامعي ذا عنده خبره بالحياة 19 سنه وانت 18 لا لا فيه فرق بينك وبينه
19 سنه قضى منها 17 على البلايستيشن وسنه يدور بالسياره
احلى خبره
انا عندي معلومه لك يا طالب الجامعه
ترا بينك وبين الثانوي سنه وحده بس
وحده بس !!
مثل الفرق بين الي توه مولود والي ما ترك الحفاظه

طبعا لاحظت ذي كثير على طلاب اول سنه جامعيه
يمكن تقولون منقهر لانه بالثانوي
لا والله
انا منقهر من شوفتهم لانفسهم
يعني وش انت يوم انك تقرر ذا بزر ولا موب بزر
وانت خابرن ان امك للحين تقولك حمووودي تعال ياحبيبي خذ البسكوت وانتبه لا توسخ ملابسك يا حبيبي
الي عنده انبراشه مسموح لكن يتحمل صلابتي ولا على منه ، والي يزعل من النت لا يدخله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
الملاحظه الجاده والي هي صدق ملاحظه وبقوه
الواحد يدخل الموضوع نيته مخالفة راي صاحب الموضوع
مخالفه يعني مخالفه
وليته يجيب رده باسلوب
لا والله كله هرج شوارع
صار محد يتحمل الثاني
اي واحد اذا شاف راي غير رايه يخرب على راعي الموضوع ويعطي ردود كلها تطنز
والملاحظه هذي هي هدف الموضوع لكن راح الحماس وانقطع كل التعبير الي كان براآآسي
اييه يالله نشوف ردودكم الحلوه بعد الغدا
تمسون على خير
عندي حصة نوم الحين
نصيحة هذا اليوم
( عليكم بــمرندا التفاحـ ، جربوه عشاني بدال ما تشتري بيبسي اليوم خذ مرندا تفاح واذا عقبتك ادعلنا )
هع هع وش رايكم بالنصيحه