مشاهدة مشاركة بصفحة مستقلة
  #1  
قديم 15/02/2005, 02:53 AM
ابو زيد المهلهل ابو زيد المهلهل غير متواجد حالياً
زعيــم جديــد
تاريخ التسجيل: 06/09/2004
مشاركات: 45
مباراة ( الهلال والاسماعيلي ) وماحدث فيها @@@




بسم الله الرحمن الرحيم


اول شي الحمد لله على كل حال


والله يا اخوان اشوفكم بديتوا تزعلون من باكيتا



ابي اقولكم شي


المباريات ال 12 اللي فاز فيها الهلال ورا بعض


والبطولتين اللي جابها مع باكيتا


ما اعجبتكم ؟؟؟ ماملت عينكم ؟؟

الحين صار زفت ومدرب فاشل ؟



الحين من مباراه وحده حكمتوا عليه بالسيء


بعد 12 فوز متوالي صار سيء الحين مجرد انه تعادل اليوم


ليته انهزم تعاااااااااادل



يعني ياناس خلوكم عقلانيين شوي

ماقلنا شي الفريق اليوم سيء جدا واللاعبين اسوأ


اولهم خالد عزيز اللي مع احترامي لاادارة النادي انصحها بتسريحه من النادي

وبدون اي غلط عليه فالكره في وادي وهو في وادي اخر



ديسلفا قبل يومين كنتوا خاقين معه ومعجبين فيه اليوم

يوم لعب اسوأ مباراه له تغير رايكم ؟؟




لا لا معليش ياجمهور الهلال


انتم مايرضيكم شي


اذا ابدع اللاعب الفلاني قلتوا اللاعب ذا رهيب ياخي

واذا لعب لعب سيء المباراه اللي بعدها قلتوا الله ياخذه ومدري ايش



مايعجبكم العجب ولا الصيام في رجب



شباب ترانا تعادلنا



والفرصه موجوده وكبيره الحمد لله


-----------------------------


هذي نقطه




النقطه الثانيه



اليوم انا حاضر الملعب اوكيه ؟؟


والله العظيم احس اني بمصر ماني بملعب الملز


اعنبوكم جمهور طول وعرض مالي الملعب


يسكتكم جمهور مصري بسيط انواع الهتافات على الهلال وتشجيع متواصل لفريقهم


وحنا قاعدين نلعن ونسب الحكم ونسب اللاعب الفلاني

هذا اللي جيدين فيه


اعنبوكم جايين وشوله


شجعوا زي العالم نص المشجعين نايم ومادرى عن المباراه


والمصريين خلوا الملعب حريقه



اقسم بالله المباراه بمصر مهيب بالرياض


شي يرفع الضغط





---------------------


باختصار


الفريق صح سيء اليوم بمعنى الكلمه لكن لانهاجمهم بهذا الشكل



خالد عزيز اصبح عاله على الفريق لعب حواري والله ياليت الاداره تشوف له حل


اليوم مهوب يوم الهلال



اخطأت ياباكيتا باخراج ياسر الياس ولكن ماعليه كبوة جواد



والله يوفق هلالنا المباريات الجايه



والسلام مسك الختام



واتمنى التثبيت لهذا الموضوع


ادري انه مافيه امل ولكن الشكوى لله
اضافة رد مع اقتباس