نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

مجنون الزعيم(9) · #1 06/05/2011, 11:06 AM

بسم الله الرحمن الرحيم

صبآح الخيرآت

اللي عنده شغل يطلع يروح يخلص لايضيع وقته في هالموضوع

ندخل في الموضوع دغري عشان بلحق على الحمام [الله يكرمكم ]
سباق انا واخواني لاصحينا من اسرع واحد يوصل له

<~ لاتصدقون

اللي غآبني آللحين عندي اخو اسمه عبدالعزيز عمره يمكن 13 سنه تزيد سنه تنقص سنه المهم انه مايتعدى 15

,, ابو ـآلشباب جوآله اغاآني رومنسيه وحروف H .. وآلولد لاجاء ينوم حاط سماعات اغاني بآذنه وكل هالاغآني لو اسمعها جلست اصيح يعني هآلورع ذوقه زين بالاغاني كلها رومنسيه وحزينه

ماعلينآ آنآ قمت افكر لبرهه من آلزمن من حرف الـ H .. صارت بنت خآلي الصغيره

صار ابو الشباب حزين عشاآن احد المبزره من عيال خالتي لمّح آنه يحبها بعد

فا اخوي طال عمره ضايق صدره وماغير يكتب خوآطرعلى باب الحمام [ الله يعزكم ] ويكتب اشعآر على جدآر الغرفه

ومره شفت الخوآطر مكتوبه بسروآله

الولد رايح وطي ومره شايفها بيرمي نفسه من السطح
واشوىآ نشب سروآله بالدريشه يوم جآء بيطمر !!

نفس الوقت ونفس المشكله عند مبزره عيال عمتي

لأن اخوي عزوز هالرومنصي

يعلمني عنهم هذا يحب هذي وهذي تحبه وبينهم هدآيآ

<~ بالله اسالوني وش الهدايا

عصير ربيع ولا تويكس وكتكآت

ايييه صدق الحب مايعرف صغير ولا كبير

!!

بس السؤآل اللي يطرح نفسه وينسدح قدامي وامامكم

!!
اللحين انا يوم كنت بعمر آخوي الصغير يعني يوم كآن عمري 13 تقريبا !!
اكبر همي سوني واختم شريط ريزيندفل الرعب

ولا ببسي مآن وكرآش

واسرق كلمات السر من المحلات

ولاجا وقت الاختبارات قمت احارش بنات خلق الله يا بـ [ بالونات المويه ]

يعني مابقيت بنت مابصمت عليها بالتفيخه

<~ البآلونه يعني

ولا اذا ماحصلت احد منهم حولنا على سيارات البلديه بالبيض

,,
ولا مره معنا بخاخ لونه اسود لاشفنا سياره تمر بخينا عليه

<~ وطردي

الله يتوب علينآ !

يعني اللي ابي اوصله ماكان بـ راسي اي ذره رومنسيه

وانسان ماله دخل في الحياه

واكبر همي اني العب واشتري لعبه صيد السمك

فا برايكم وش سبب الاختلاف ادري الزمن له دور ومدري وش بس مش معقول لهدرجه

!!

R1 R2 L1 L2 <><> XO

^^
كلمه سر نجوم العالم نجوم اوروبا فـ السوني القديم

دليل آني للحين طفل هآدى آتمتع بحيآه بريئه

تمسو على خير