:

السلام عليكم ورحمة الله وبركاته ..
طبعاً مايحتاج أقول إشتقت لكم ..
يمكن هذا أول موضوع لي باللغة العامية وبعيد عن الرسمية ..
ولعلي واجهت في الفورم سبرينق أسئلة صعبة عن إختلافي هناك عن هنا ..
رغم اني نفس الكائن الحي ..
وكانت تدور هالاسئلة اني هناك اتناقش واسولف واتحاور بعيد عن الرسمية وهنا جاف ومحدود > .
المهم مالكم بالطويلة ..
كنت أجاوب اني من النوع الغريب نوعا ما , بمعنى اني إذا حطيت في بالي ان هالمكان للخواطر والادب صعب اني اغيره ..
طبعاً عالم الفورم عرفني لى حبايبي صقر فيصل و محمد شك شك و ماجد مقبل وهكتار بوجنان و فيلون وماهينور و طفلة خانها التعبير ومتابعة بجنون و بصمت ونهاية وميادة وعاصم وهلالية و فاينل محمد وجهاد آخر طموحاتي وابراهيم وبوناصر وسلطان وسنديان وزرقاء و الكثير الكثير من الاحباب والمجهولين , اللي كونا مع بعض عالم أرآه جميل وراقي ومثالي ..
فيه حبينا بساطتنا وسواليفنا ونتتبع اخبار بعض ..
نحزن مع بعض ..
نفرح لبعض ..
نهني بعض ..
نتعلم من بعض ..
نستفسر من بعض ..
مو كنها طولات ذي مع بعض > ..

المهم انها تكون روتين يومي جميل , فيه نحب نتشارك مع بعض القصص والخواطر والاحداث السياسية والاجتماعية والعلمية والعملية و المقاطع و كل ابو شيء ..
لما استعرض اللي قلت فيما سبق ..

:


أحب أولاً أشكرهم جميعاً ..
لأنني رغم تقصيري مِؤخراً بسبب العمل , الا اني اشوفهم قبل النوم , وافرح لأنهم كلهم بخير وطيبين ..
لما اتعلق بهم لها الدرجة واحبهم كلهم مثل إخواني واتمنى اشوفهم في الدنيا والجنة ان شاء الله ..
ماادري بس تخونني الكلمات لأن أحيانا التقدير تعجز عنه قواميس التعبير ..

:


ماعلينا ..
كثرت عليكم هرج وشكله اول واخر موضوع عامي ..

:

جمعتني بمحمد وماجد مقبل مناسبتين جميلتين ..
الاولى كانت في عالم البهار ..
والثانية في مطعم الخليج الصيني ..
وطبعاً مابين تلك وتلك , كان فيه إتصال مع ابومقبل راعي الخيانة العضمى ..
اللي قبل ماييغير النك تبعه كنت مشاوره قبلها بايام اني ابي اغير عطارد , وقال اذا تبي نصيحتي لا تغيره ووووو والنهاية قال انه ماركة مسجلة , وبالاخير الاخ يقول لي ابغير اسمي للهلالي دائماً انا هنا انصمدمت وبلعتها , يعني ماجد مقبل مو ماركة مسجلة , وعطارد ماكة مدري ايش ؟..
المهم ماعلينا خل نعديها ..
اتصل بي يوم وقال لي في نص الكلام اني رسمي ولو اني نفس الشخصية اللي بيوزر عطارد بكرشني من زمان من حياته , انا هنا انصدمت وحسيت اني فعلا تو ماتش ..
قلت له وطبعا الكلام من شهر لازم اغير من قناعاتك ..

:

طبعاً ابيكم تساعدوني ..
اصير عامي ..
او على الاقل اكون مثل الفورم تبعي ..
وكيف اربط بينهن ويصير ابوزيزو هو نفسه عطارد ..
كيف اربط بين كل شيء وشيء ..

:

ابيكم حسب طلب بومقبل ..
تشتشتون بشويش عشان خاطري ..
وخلوها نقاش عام ..
والا اقولكم شتشتوا على راحتكم ..

:

عطارد > فيلسوف متلطم ..
وان ماعاد شفتوني إعرفوا إنه تم شطبي ..
:


: