| هلا آخوي آحمد
والله شف .. خواتي 3 متزوجات اشوف عندهم هالكائن بس مدري ليه؟؟
اشوفهم يحطون فيه علك لبان وبخور ومعمول وفيه سلة كاكاو وفيه زباله -الله يكرمكم- تحت ومدري وش بعد
انا اللي اشوفه انه منظر بس حق تجميع الغبرات
يعني انا اشوف انه مال ام ابوه داعي
بس تتعب .. تغبر وبعدين ابلش بالتمسيح والتنظيف
فاضية له انا مالي حاجه غير امسح به
واذا على حقت الملكة، هذي ماادري وش يحسون فيه اللي مخترعينه بس وجع راس وخساير
ماله داعي تسوون ملكة وشبكة ومدري ايش ..
عرس ويكفي حطوا فيه كل اللي تبون الين تقولون امين
فيه بعض القرى والمحافظات ببعض مناطق المملكة،
يقولون انهم مقررين مااحد يتزوج باكثر من 30000 او 40000 الظاهر ماني متاكده من المبلغ
بس يقولك مافيه شيخ يملكهم الا بعد مايشوف المهر ويتاكد بنفسه انه مايزيد عن المبلغ اللي هم حددوه
وفيه قرى ومحافظات ثانية نفس كباريتهم وتجارهم يتقاطون ويساهمون باغلب تكاليف الزواج للي حالتهم المادية يعني
وفيه بعض العوائل ياخذون الزواج النص بالنص يتقاسمونه بينهم،
وهذا مره كويس يساعد المعرس ويخفف عليه من تكاليف الزواج وغيره
آتذكر خالي شايب كبير شوي، وحده من بناته يوم تملكت، دفع لهم الرجال 50000 ..
يوم جا من بكرا وياخذ 20000 ويرجع له للرجال قال ماله داعي 30 تكفي
<< مايمديكم على الابو الحركتات
طبعا هالكلام هذا منذو مبطي
يوم اني بالابتدائي، تقريبا كان عمري 7 او 8 سنين
بس عقب ماكبرت جا مجال وقالت امي السالفة لنا
يعني الحمد لله فيه ناس لسى تفكر وتحس بغيرها ..
وفيه ناس بس يبون الستر لبنتهم بدون شكليات ولا موضه ولاهم يحزنون
يعطيك العافية اخوي احمد ... تحياتي لك  | 