السلام عليكم ورحمة الله وبركاتة


في البداية أحب أنوه لجميع الطلاب والطالبات ما بقي غير يومين للإختبارات يعني طنش لا تفك الكتاب غير الفجر أشتغلوا دق سوني اتفرج سوي الي تبيه أخر مادة على مسئوليتي راح تنجح وإذا رسبتوا

((لو فيكم خير الحقوني ))




عزيزي المشجع الهلالي : أتخيل أننا أنهزمنا من نجران بسبب أشباه الاعبين أو


بسبب فقدان روح أو ثقة زايدة وبداية من منتدانا مثل الي يقول :

1_نتعشى في شباك نجران

2_والي يقول نفوز بالخمسة والسبعة

3_والي يقول نجران فريق سهل ماني حاظر المباراة اتفرجها عند العيال

أتخيل أنهزمت وتجي هنا تحط حرك في اللعبية وانت جالس في بيتك رجل على رجل

المباراة مهمة جدا وأهميتها:

1_انها اول مباراة رسمية من بعد توقف طويـل

2_مباراة خروووج مغلوب مافي تعويض وهاذي بطولتنا

3_نجران أخرج الإتحاد بنفس الطريقة ما كان عليهم ظغط والإتحادية كانوا واثقين واستهتار ونهايتها أكلوها ومع السلامة



تعرف وش يترتب لو خرجنا من كأس سمو ولي العهد ومن نجران بالذات:

1_الإعلام:راح تشوف مسخرة سحب في سمعة الهلال في الأرض واول جريدة الرياضي والهلال ظعيف ومن ذا القبيل وما يقدر يكمل الدوري ويطلع أبو علك ويصبح علينا


2_الهزيمة من الإتحاد الي تفرق عن مباراة نجران ب أربع أيام بس..ما راح يقدر أحسن طبيب نفساني يخرجهم من روحهم الإنهزامية في اربع أيام والمباراة في عقر دارهم


3_خسارة بطولة مهمة في مشوارنا هاذي السنه


انا هنا ما أتشاءم أنا أقلكم وش راح يصير لو أتفائلنا زيادة عن اللزوم في مباراتنا بعد غد

أتمنى من كل قلبي الاقي ولو بس الواجهة مليانة عشان يعرفوا أن وراهم جمهوور ينحرق ويحرثون الملعب

صح أنت تبي نفوز وتبي الهلال يبدع حتى انا ابي الهلال يفوز ويبدع ويمتع بس لازم نحترم الخصم

يا شباب والله ازعل اكثر زعل الاقى هلالية في مقاهي في الرياض والمباراة شغالة في الرياض

ملحوظـــة:..

هاذي المبارة نشوف فيها مستوى احمد علي كيف يعرف يعلب في الأطراف ولل الصندوق هل هو بكامل جهازته هل نقدر نلعبه في الكلاسيكو هل نلعب 4_4_2 أو4_5_1 كل هاذي الأسئلة جوابها بعد بكره ومثل ما قال سامي:



دعـــــو القـــيادة لنـــا وأســـمتعوا بالـــرحلة



والسلام عليكم ورحمة الله وبركاته

((أتمنى من المشرفين رفع الموضوع لأهميته))